აჭარის ჯანდაცვის მინისტრის ზაალ მიქელაძის შუამდგომლობით, სამ ახალშობილ ტყუპს საკვები პროდუქტები გადაეცა.

გაბრიელი, ილია და ლილე სურმანიძეები ქვეყანას 31 მარტს მოევლინენ. შპს „ეი-ბი-სი“ ფარმაციამ ოჯახს „ნუტრიბენეს“ დღის და ღამის საკვები გადასცა.

„აჭარის ჯანდაცვის სამინისტრომ პროგრამის ფარგლებში ოჯახს 3,000 ლარი უკვე გადასცა. მოგეხსენებათ, რომ ბავშვის აღზრდა დიდ ფინანსებს საჭიროებს. ამ შემთხვევაში სამივე ახალშობილი ხელოვნურ კვებაზე იმყოფება, რომელთა შეძენას ოჯახი ვერ ახერხებს. მშობლების მომართვის საფუძველზე დავუკევშირდით შპს „ეი-ბი-სი“ ფარმაციას, მათ მზადყოფნა გამოთქვეს ახალშობილების კვებით უზრუნველყოფისათვის. მოვუწოდებ კერძო სექტორის სხვა წარმომადგენლებს, გამოიჩინონ გულისხმიერება მსგავსი ოჯახების დასახმარებლად“, - აღნიშნა მინისტრმა ზაალ მიქელაძემ.

ზაალ მიქელაძე სურმანიძეების ოჯახში მინისტრის პირველ მოადგილესთან - ლელა სურმანიძესთან და შპს „ეი-ბი-სი“ ფარმაციას წარმომადგენელთან - ნონა გოგიტიძესთან ერთად იმყოფებოდა.

ახალშობილი ტყუპების ერთჯერადი მატერიალური დახმარების 2017 წლის პროგრამის ფარგლებში თანხა გაცემულია 20 ოჯახზე. გასულ წელს ერთჯერადი მატერიალური დახმარება გაიცა 75 ოჯახზე, გაცემულმა თანხამ შეადგინა 149,000 ლარი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს