ბარამიძე: აშშ-ის კონგრესმა ქართველებს აჩვენა, ვინაა ჭეშმარიტი მეგობარი

2016-09-08 12:43:10, 693 ნახვა

პოლიტიკა

„ერთიანი ნაციონალური მოძრაობის“ წევრის გიორგი ბარამიძის განცხადებით, აშშ-ს კონგრესმა ქართველ ხალხს ნათლად აჩვენა, თუ ვინაა მათი ჭეშმარიტი მეგობარი და რომ ამერიკისთვის მნიშვნელოვანია საქართველოს მშვიდობიანი გამთლიანება, დეოკუპაცია, ნორმალური, ცივილიზებული, დემოკრატიული განვითარება.

ეს განცხადება ბარამიძემ აშშ-ს კონგრესის მიერ, საქართველოს მხარდამჭერი რეზოლუციის კომენტირებისას გააკეთა:

„მოხარული ვარ, რომ კიდევ ერთხელ აშშ-ს კონგრესმა ჩვენს ხალხს და საერთაშორისო საზოგადოებრიობას ნათლად აჩვენა, ვინაა საქართველოს ჭეშმარიტი მეგობარი, რომ ამერიკისთვის მნიშვნელოვანია საქართველოს მშვიდობიანი გამთლიანება, დეოკუპაცია, ნორმალური, ცივილიზებული, დემოკრატიული განვითარება და რომ აშშ-ს კონგრესი კვლავ გააკეთებს ყველაფერს და გვინდა, რომ განსაკუთრებით ამერიკაში ჩატარებული არჩევნების შემდგომ, ეს პროცესი დაჩქარდეს და გაძლიერდეს, რომ საქართველო გახდეს ნატო-ს წევრი ქვეყანა, რაც იქნება ერთ-ერთი უმნიშვნელოვანესი წინაპირობა სწორედ საქართველოს მშვიდობიანი გამთლიანებისა და იმ წინსვლისა, რასაც ელოდება ქართველი ხალხი“,-განაცხადა გიორგი ბარამიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან