2016-07-15 19:36:01, 1772 ნახვა
მსოფლიო
ბოლო მონაცემებით, ნიცაში მომხდარი თავდასხმის შედეგად სულ 188 ადამიანი დაშავდა
საფრანგეთის ქალაქ ნიცაში მომხდარი თავდასხმის შედეგად სულ 188 ადამიანი დაშავდა, - ამის შესახებ ფრანგული მედია ქვეყნის ჯანდაცვის სამინისტროზე დაყრდნობით იუწყება.
ნიცაში მყოფმა საფრანგეთის პრეზიდენტმა სიტყვით გამოსვლისას განაცხადა, რომ 50 დაშავებული სიცოცხლისა და სიკვდილის ზღვარზე იმყოფება.
მედიის ინფორმაციით, 48 ადამიანი ინტენსიური თერაპიის განყოფილებაში რჩება.
შეგახსენებთ, რომ გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა.
ინციდენტის შედეგად 84 ადამიანი გარდაიცვალა, მათ შორის 10 ბავშვია. მომხდარზე პასუხისმგებლობა ჯერჯერობით არც ერთ დაჯგუფებას არ აუღია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
