საფრანგეთის პრეზიდენტი ფრანსუა ოლანდი დიდი ბრიტანეთის ახალ პრემიერ-მინისტრ ტერეზა მეის მოუწოდებს, ევროკავშირიდან გასვლის შესახებ მოლაპარაკებები რაც შეიძლება მალე დაიწყოს, - ამის შესახებ BBC ელისეის განცხადებაზე დაყრდნობით იუწყება.

მედია საშუალების ინფორმაციით, საფრანგეთის მთავარსარდალსა და ბრიტანეთის ახალ პრემიერ-მინისტრს შორის სატელეფონო საუბარი შედგა.

ამასთან, ტერეზა მეის განცხადებით, დიდ ბრიტანეთს ბრიუსელთან მოლაპარაკებების დაწყებამდე დამატებითი დრო სჭირდება.

შეგახსენებთ, რომ ტერეზა მეიმ დიდი ბრიტანეთის პრემიერ-მინისტრის პოსტი 13 ივლისს დაიკავა. მან ახალ მთავრობაში რამდენიმე მინისტრი უკვე დანიშნა.

კერძოდ, საგარეო საქმეთა მინისტრი ლონდონის ყოფილი მერი, “ბრექსითის” აქტიური მხარდამჭერი ბორის ჯონსონი გახდა.

ვეტერანმა ევროსკეპტიკოსმა დევიდ დევისმა დიდი ბრიტანეთის ევროკავშირიდან გასვლის საკითხებზე მომუშავე მინისტრის თანამდებობა დაიკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს