საქართველოს შეიარაღებული ძალების IV მექანიზირებული ბრიგადის „ნორიოს“ და V ქვეითი ბრიგადის „ოსიაურის“ საწვრთნელ ბაზებზე სახმელეთო ჯარების აღმოსავლეთ სარდლობაში დაქვემდებარებული ქვედანაყოფების საველე სწავლებები ჩატარდა.

V ქვეითი ბრიგადის საინჟინრო ასეულმა „ოსიაურის“ საწვრთნელ ბაზაზე გეგმური საველე სწავლება ჩაატარა. სწავლება პირადი შემადგენლობის ათეულის დონეზე მომზადებას მოიცავდა. საინჟინრო ასეულის ჯარისკაცებმა სწავლება 25 დღის განმავლობაში გაიარეს და მასში 73 სამხედრო მოსამსახურე მონაწილეობდა.

ხოლო, V ქვეითი ბრიგადის 51-ე ქვეითი ბატალიონის III ქვეითმა ასეულმა ასეულის დონის შეფასების სწავლება „ნორიოს“ საწვრთნელ ბაზაზე ჩაატარა. სწავლების მიზანი ქვედანაყოფის საბრძოლო დონის შეფასება იყო. სწავლება 5 დღის განმავლობაში მიმდინარეობდა და მასში 126 სამხედრო მოსამსახურე მონაწილეობდა. სწავლების შეფასებას ნატო-საქართველოს ერთობლივი შეფასების ცენტრის დამკვირვებლები ახორციელებდნენ.

(ns)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს