დიდ ბრიტანეთში რეფერენდუმის ხელახლა ჩატარების თაობაზე პეტიციას უკვე 1 მილიონზე მეტმა ადამიანმა ხელი მოაწერა, - ამის შესახებ BBC იუწყება.

მედია საშუალების ინფორმაციით, აღნიშნული რიცხვი სწრაფად იზრდება.

დიდი ბრიტანეთის პარლამენტის ოფიციალურ ვებ-გვერდზე გამოქვეყნებულ პეტიციაში ბრიტანელები საკანონმდებლო ორგანოს, ევროკავშირში წევრობის საკითხზე რეფერენდუმის შესახებ ახალი რეგულაციის დაწყებას სთხოვენ.

აღნიშნული ინიციატივის თანახმად, ხელახალი რეფერენდუმი იმ შემთხვევაში უნდა ჩატარდეს, თუ რეფერენდუმში მონაწილე ამომრჩეველთა აქტივობა 75%-ზე ნაკლები იყო, ხოლო ხმათა უმრავლესობა 60%-ზე ნაკლებია.

ცნობისთვის, დიდი ბრიტანეთის პარლამენტი ვალდებულია განიხილოს ნებისმიერი პეტიცია, რომელმაც 100 000-ზე მეტი ხელმოწერა დააგროვა. გარდა ამისა, ბრიტანეთის ხელისუფლებამ უნდა განიხილოს პეტიცია, თუ მან 10 000-ზე მეტი ხელმოწერა დააგროვა.

შოტლანდიის მოქალაქეების უმრავლესობა "ბრექსითის" წინააღმდეგ გამოდის. ქვეყანაში შესაძლოა ბრიტანეთისგან დამოუკიდებლობის მოპოვების რეფერენდუმი ჩატარდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს