„ეს არის ტყულის გავრცელება და ჩვენი ქვეყნის მოქალაქეების შეგნებულად შეცდომაში შეყვანის მცდელობა“, - ამის შესახებ „ექსპრესნიუსს“ საქართველოს რკინიგზის საზოგადოებასთან ურთიერთობის სამსახურის უფროსმა დაჩი ცაგურიამ გავრცელებულ ინფორმაციასთან დაკავშირებით განუცხადა, რომლის თანახმადაც ახალი ორსართულიანი მატარებელი ვერცერთ გვირაბში ვერ გაეტევა.

მისივე თქმით, როდესაც მატარებელი საქართველოში ყოველგვარი შეფერხების გარეშე გაივლის გვირაბს გიორგი ვაშაძემ პირადად უნდა მოუხადოს საზოგადოებას ბოდიში.

ცაგურია გიორგი ვაშაძესა და მის თანაპარტიელ გივი კუბლაშვილს „პარტიულ ფუნქციონირებს“ უწოდებს და ურჩევს თემას სერიოზულად მოეკიდონ. მან გავრცელებულ ინფორმაციას კიდევ ერთხელ უწოდა იაფფასიანი სიცრუე და არასერიოზული განცხადება.

„მე ამ პარტიულ ფუნქციონირებს ვურჩევ ცოტა სერიოზულად მოეკიდონ ასეთ თემებს. კეთილი ინებონ და შეისწავლონ საკითხი. ეს არის უბრალოდ სიგიჟე და სისულელე. ეს ტყულის გავრცელების მცდელობაა. ეს ჩვენი ქვეყნის მოქალაქეების შეგნებულად შეცდომაში შეყვანის მცდელობაა. როდესაც ეს მატარებელი საქართველოში, ყოველგვარი შეფერხების გარეშე გაივლის გვირაბებს, ბატონმა ვაშაძემ, რომელიც ამ პარტიის ("ახალი საქართველოს") თავმჯდომარეა, პირადად მოუხადოს ბოდიში საზოგადოებას. ეს ინფორმაცია ტყუილია, იაფფასიანი სიცრუე და ძალიან არასერიოზული განცხადება. კომპანია „შტადლერი“ , ეს შვეიცარიული კომპანიაა. ერთ-ერთი ყველაზე საუკეთესოა სამატარებლო ინდუსტრიაში, ერთ-ერთი ლიდერი ბრენდია. თქვენ ახლა რომ ჩაბრძანედეთ შვეიცარიაში, ბელგიაში და სხვა ლიდერ ქვეყნებში. იქ ასეთ მატარებელში იმგზავრებთ. ამ ლიდერ ქვეყნებში ასეთ მატარებლებში სხედან ადამიანები. ზუსტად იგივე მატარებელი და იგივე კომპანიის მიერ წარმოებული. ეს არის უმაღლესი სტანდარტების კომპანია“, - განაცხადა დაჩი ცაგურიამ.

შეგახსენებთ, სამოქალაქო პლატფორმა - ”ახალი საქართველოს”ერთ-ერთმა დამფუძნებელმა გივი კუბლაშვილმა დღეს გამართულ პრესკონფერენციაზე განაცხადა რომ 'საქართველოს რკინიგზის' მიერ შეძენილი ახალი ორსართულიანი მატარებელი არცერთ გვირაბში არ ეტევა.

ცნობისთვის, 2016 წლის ზაფხული-შემოდგომის სეზონიდან მგზავრებს შესაძლებლობა ექნებათ ევროპული სტანდარტის Stadler Kiss მოდელის მატარებლით იმგზავრონ, რომლის ანალოგით დღეს ევროპის განვითარებულ ქვეყნებში მგზავრობენ. 

შვეიცარული კომპანიის Stadler Bussnang AG-ს ელექტრომატარებლები  შავი ზღვის მიმართულებით  შეასრუელებენ მარშრუტებს. 

ორსართულიანი  მატარებელი თბილისიდან შავი ზღვის მიმართულებით იმოძრავებს შეჩერების გარეშე და მხოლოდ ზღვისპირა კურორტების სადგურებში გაჩერება, ესენია: ბათუმი, ქობულეთი და ურეკი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნავროცკიმ ზელენსკის მიმართა „თეთრი არწივის“ სკანდალის ფონზე

ღობის საქმის მოსამართლე: თქვენ ყველანი პატიოსანი ადამიანები ხართ, მაგრამ კანონი დაარღვიეთ

ევროპის საბჭოს საპარლამენტო ასამბლეის რეზოლუციის პროექტში საქართველოში დემოკრატიის უკუსვლაზეა საუბარი

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს