2016-05-24 16:00:02, 630 ნახვა
პოლიტიკა
გრუშკო: საქართველოს ნატო-ში გაწევრიანება იქნება დარტყმა ევროპულ უსაფრთხოებაზე
საქართველოს ნატო-ში გაწევრიანება იქნება დარტყმა ევროპულ უსაფრთხოებაზე, - ამის შესახებ Russia Today ნატო-ში რუსეთის ელჩზე ალექსანდრ გრუშკოზე დაყრდნობით იუწყება.
მედიის ინფორმაციით, აღნიშნული განცხადება გრუშკომ ბრიუსელში ვიზიტისას გააკეთა.
„ვფიქრობ, რომ ნატო-ში გონივრულად იმოქმედებენ, რადგან საქართველოს ნატო-ში მიღება იქნება დარტყმა ევროპულ უსაფრთხოებაზე. ეს არის კოლოსალური რისკი ევროპაში მშვიდობასა და უსაფრთხოებისთვის“, - აღნიშნა გრუშკომ.
ცნობისთვის, საქართველოში ვიზიტით მყოფმა სამხრეთ კავკასიასა და ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ განაცხადა, ვარშავის სამიტის შემდეგ "ნატო-ში უფრო მეტი საქართველო იქნება".
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
