ბოლო დღე-ღამის განმავლობაში აღმოსავლეთ უკრაინაში შვიდი უკრაინელი სამხედრო დაიღუპა, - ამის შესახებ ადგილობრივი მედია უკრაინის ნაციონალური უსაფრთხოებისა და თავდაცვის საბჭოს მდივანზე ალექსანდრ ტურჩინოვზე დაყრდნობით იუწყება. 

მისივე თქმით, 9 ჯარისკაცია დაშავებული.

მედიის ინფორმაციით, ეს ბოლო ერთი წლის განმავლობაში უკრაინის შეიარაღებული ძალების ყველაზე დიდი დანაკარგია ერთ დღეში.

უკრაინის ხელისუფლებამ სამხედროებზე თავდასხმაში პასუხისმგებლობა რუსეთს დააკისრა.

ცნობისთვის, 2014 წლის აპრილის შემდეგ აღმოსავლეთ უკრაინაში სამხედრო მოქმედებების შედეგად 9300-ზე მეტი ადამიანი დაიღუპა. 2015 წლის თებერვალში გერმანიისა და საფრანგეთის შუამავლობით მისნკის შეთანხმების  გაფორმების შემდეგ აღმოსავლეთ უკრაინაში ცეცხლის შეწყვეტის რეჟიმი გამოცხადდა. თუმცა მხარეები ერთმანეთს სამშვიდობო შეთანხმების დარღვევაში ადანაშაულებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს