ვენაში სომხეთისა და აზერბაიჯანის პრეზიდენტების შეხვედრა გაიმართა, - ამის შესახებ უცხოური მედია იუწყება.

მედიის იფნორმაციით, მთიანი ყარაბაღის კონფლიქტის გამწვავების შემდეგ ეს პრეზიდენტების პირველი შეხვედრა იყო. მოლაპარაკებები ეუთო-ს მინსკის ჯგუფის თანათავმჯდომარეების - რუსეთის, აშშ-სა და საფრანგეთის შუამავლობით შედგა.

შეხვედრას რუსეთის საგარეო საქმეთა მინისტრი სერგეი ლავროვი, აშშ-ის სახელმწიფო მდივანი ჯონ კერი და საფრანგეთის საგარეო საქმეთა მინისტრი ჟან-მარკ ერო ესწრებონენ. 

როგორც რუსეთის საგარეო საქმეთა მინისტრმა განაცხადა, მხარეები შეთანხმდბენ, რომ ცეცხლის შეწყვეტის რეჟიმს 1994 და 1995 წლების შეთანხმების პირობების მიხედვით დაიცავენ. 

ამას გარდა, შეხვედრაზე გადაწყდა, რომ ეუთო მთიანი ყარაბაღის ინციდენტების გამოძიების გეგმას შეიმუშავებს

სერჟ სარგსიანი და ილჰამ ალიევი მორიგ მოლაპარაკებებს ივნისში გამართავენ, თუმცა სომხეთისა და აზერბაიჯანის ლიდერების შეხვედრის ზუსტი თარიღი და ადგილი ჯერ უცნობია.

შეგახსენებთ, რომ მთიან ყარაბაღში ვითარება 2 აპრილს გამწვავდა. რამდენიმედღიანი შეიარაღებული დაპირისპირების შედეგად 100-ზე მეტი ადამიანი დაიღუპა. ცეცხლის შეწყვეტის შეთანხმებას მხარეებმა 5 აპრილს მიაღწიეს, თუმცა სომხეთიც და აზერბაიჯანიც კონფლიქტის ზონაში სამშვიდობო რეჟიმის დარღვევის შესახებ აცხადებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს