ვერეს ხეობაში სპორტული ინფრასტრუქტურის განვითარება იგეგმება

2016-04-01 11:54:52, 578 ნახვა

საზოგადოება

დედაქალაქის მერის დავით ნარმანიას განცხადებით, მდინარე ვერეს ხეობის შემდგომი განვითარების კონცეფცია მზად არის.

მისივე თქმით, ეს ითვალისწინებს იმას, რომ ამ ტერიტორიაზე არ იქნება საცხოვრებელი სახლები და ბიზნესცენტრები.

მერის თქმით, აქ შესაძლებელია განვითარდეს სპორტული, საველოსიპედო და სხვა სახის ინფრასტრუქტურა.

„მზად არის მდინარე ვერეს განვითარების შემდგომი კონცეფცია, რომელიც ითვალისწინებს იმას, რომ ამ ტერიტორიაზე არ იქნება საცხოვრებელი სახლები და ბიზნესცენტრები, მაგრამ შესაძლებელია განვითარდეს, სპორტული საველოსიპედო და სხვა სახის ინფრასტრუქტურა. მთავარი აქცენტი კეთდება გამწვანებაზე.

მიმდინარეობს კონკრეტულად მზიურისთვის პროექტის მომზადება, იქამდე ამ გაზაფხულზე ვასრულებთ მოსუფთავება-მოწესრიგების სამუშაოებს და კონკრეტულად მზიურის კეთილმოწყობის სამუშაოები დაიწყება, რის შემდეგაც უკვე მზიურის კეთილმოწყობის სამუშაოები დაიწყება“, - განაცხადა დავით ნარმანიამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან