დღეს, 26 მარტს NATO-ს ყოველწლიური ანგარიში გამოქვეყნდა, რომელშიც საქართველოს შესახებაც არის ჩანაწერი.

ანგარიშში, რომელიც 2025 წელს მოიცავს, აღნიშნულია, რომ "2024 წლის საპარლამენტო არჩევნებისა და მისი შემდგომი მოვლენების ფონზე, ალიანსის წევრებმა NATO-ს საქართველოსთან ჩართულობა განიხილეს".

მარკ რუტეს 2025 წლის ანგარიშის თანახმად, ამის შედეგად "NATO-საქართველოს თანამშრომლობის ელემენტების პრიორიტეტები გადაიხედა, მათ შორის "NATO-საქართველოს არსებითი პაკეტის" (SNGP) ზოგიერთი ასპექტი".

ანგარიშის გამოქვეყნების შემდეგ NATO-ს გენერალურმა მდივანმა პრესკონფერენცია გამართა, რომელზეც ევროსკოპის ჟურნალისტის კითხვას უპასუხა საქართველოსთან დაკავშირებით და მოუწოდა საქართველოს, "დაუბრუნდეს პროევროპულ გზას და მომავალზე ორიენტირებულ მომავალს. მათ შორის, რომ განაგრძოს ტრაექტორია დემოკრატიის, კანონის უზენაესობის კუთხით".

"საქართველოსთან დაკავშირებით ყოველთვის კოორდინაციაში ვართ ევროკავშირთან. რაც შეეხება NATO-საქართველოს ურთიერთობებს, ვფიქრობ, რომ ამ ურთიერთობების გაგრძელებას აზრი აქვს. მაგრამ უნდა ვაღიაროთ ბოლო მოვლენებიც. სწორედ ამიტომ მოვუწოდებთ საქართველოს, დაუბრუნდეს პროევროპულ და მომავალზე ორიენტირებულ გზას. მათ შორის, რომ განაგრძოს ტრაექტორია დემოკრატიის, კანონის უზენაესობის კუთხით, სადაც ახლა სერიოზული პრობლემები არსებობს. ასე რომ, ჩვენ უნდა გვქონდეს დიალოგი, დისკუსია, უნდა დავიკავოთ პოზიცია, რომ უმჯობესია ურთიერთობები გავაგრძელოთ, რომ არსებობდეს პლატფორმა დიალოგისთვის, ვიდრე ვთქვათ, რომ ჰეი, არ მოგვწონს, და ვასრულებთ ამ ურთიერთობებს", - თქვა მარკ რუტემ. 

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს