2026-02-11 17:20:21, 1005 ნახვა
საზოგადოება
რუსეთში ტყვედ ჩავარდნილ ქართველ მოხალისეს სამუდამო პატიმრობა მიუსაჯეს
რუსეთში უკრაინის მხარეს მებრძოლ საქართველოს მოქალაქეს, გიორგი ჩუბითიძეს, სამუდამო პატიმრობა მიუსაჯეს.
რუსული გამოძიების მტკიცებით, ჩუბითიძე უკრაინულ დანაყოფებში 2014 წლიდან იბრძოდა. მას ბრალად სდებენ 5 სამხედროს დახვრეტას დონბასის ტერიტორიაზე, 2015-2016 და 2023 წლებში.
2023 წლის ნოემბერში რუსეთის თავდაცვის სამინისტრომ გაავრცელა ცნობა, რომ საბრძოლო მოქმედებების დროს ტყვედ აიყვანეს საქართველოს ორი მოქალაქე - გიორგი გოგოლაძე და გიორგი ჩუბითიძე. ორივე მათგანი უკრაინის მე-2 ინტერნაციონალური ლეგიონის მებრძოლები იყვნენ. გიორგი გოგლიძეს რუსეთის სასამართლომ 2025 წლის აპრილში თავისუფლების 9 წლით აღკვეთა მიუსაჯა.
2024 წლის თებერვლიდან რუსეთში სამუდამო პატიმრობა აქვს მისჯილი კიდევ ერთ ტყვედ ჩავარდნილ ქართველ მოხალისეს, გიორგი გაწერელიას.
ავტორი: ექსპრესნიუსი,
epn.ge (@expressnews.ge)
