ჩიქოვანი კარასინის განცხადებაზე: ეს არის პირდაპირი ჩარევა საქართველოს პოლიტიკურ ცხოვრებაში

2016-03-19 22:23:28, 462 ნახვა

პოლიტიკა

ეს არის პირდაპირი ჩარევა საქართველოს პოლიტიკურ ცხოვრებაში - ასე შეაფასა თავისუფალი დემოკრატების წევრმა, ირაკლი ჩიქოვანმა გრიგორი კარასინის მიერ გაკეთებულ განცხადება "რუსთავი 2-ის" პირდაპირ ეთერში.

მისი თქმით, რუსეთი ცდილობს, საზოგადოებაში გააჩინოს შიში.

"სხვა თუ არაფერი, ბატონი კარასინის მხრიდან ეს იყო პირდაპირი შეურაცხყოფა მისი კოლეგის, ბატონი აბაშიძის, როდესაც მომლაპარაკებელთან ზიხარ და გამოდიხარ და ასეთი ფორმით საუბრობ იმ მოლაპარაკებებზე, რომელზეც საუბრობდი რამდენიმე წუთის წინ აბაშიძესთან," - განაცხადა ირაკლი ჩიქოვანმა.

ჩიქოვანი იქვე აცხადებს რომ აბაშიძე-კარასინის ფორმატს საქართველოსთვის გარკვეული შედეგების მოტანა შეუძლია.

"ამ ფორმატს აქვს შედეგი, ამ ფორმატის გამოყენება შეიძლება, მაგრამ მას სჭირდება მკაფიო რეგლამენტაცია," - განაცხადა ირაკლი ჩიქოვანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან