ივანიშვილის რეჟიმის არის შუშისფეხებიანი მონსტრი, რომელიც ნებისმიერ დროს შეიძლება გადატყდეს, - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ ჟურნალისტებთან საუბრისას განაცხადა, რითაც ნიკა მელიას დაკავებას გამოეხმაურა.

მაჯგალაძის თქმით, ბიძინა ივანიშვილი არის შეშინებული და დამალული, სწორედ ამიტომ ცდილობს ოპოზიციის ლიდერები დააკავოს და მათი პოლიტიკური პროცესებისგან იზოლაცია მოახდინოს.

„ივანიშვილის რეჟიმის არის შუშისფეხებიანი მონსტრი, რომელიც ნებისმიერ დროს შეიძლება გადატყდეს. ამიტომ ცდილობს, ვინც შეიძლება ის გადატეხოს ხალხთან ერთად და აქტიური იყოს ამ ბრძოლაში, ამ ლიდერების იზოლაცია მოახდინოს. მის სამიზნეა გიორგი ვაშაძე, ნიკა მელია, ზურა ჯაფარიძე, ნიკა გვარამია და მამუკა ხაზარაძე. ივანიშვილი არის შეშინებული და დამალული“, - განაცხადა მანჯგალაძემ.

რაც შეეხება აშშ-საქართველოს ურთიერთობის გადატვირთვის მცდელობას და სენატორ სტივ დეინსის საქართველოში ვიზიტს, მანჯგალაძემ აღნიშნა, რომ აშშ-ის, როგორც დემოკრატიის ფლაგმანის გზავნილი საქართველოს ხელისუფლების მიმართ არის მეტი დემოკრატია, თავისუფალი არჩევნები და პოლიტიკურ ლიდერებზე ძალადობის შეწყვიტა.

„როგორც სოციალურ მედიაში ხუმრობენ, ივანიშვილი ისე დაემალა ტრამპისა და რუბიოს წერილს, როგორც პატრული მოგიტანს 5000-ლარიან ჯარიმას და ხალხი ემალება მას. ამერიკა კვლავ დემოკრატიის ფლაგმანია მსოფლიოში. მათი გზავნილია მეტი დემოკრატია, თავისუფალი არჩევნები და შეწყვიტონ ძალადობა პოლიტიკურ ლიდერებზე. ოპოზიციის მთავარი მოთხოვნა არის ახალი არჩევნები და დაკავებულების გათავისუფლება, ივანიშვილი კი- მეტი ძალადობა, მეტი რეპრესია, მეტი დაპატიმრება“, - განაცხადა მან.

ავტორი: ექსპრესნიუსი,

სოციალური ქსელები

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა

საქართველოს რკინიგზის ყოფილი ხელმძღვანელი დავით ფერაძე დააკავეს

საელჩო: დიდმა ბრიტანეთმა სანქციების ახალ პაკეტში შეიყვანა ხომალდი SILVAR, რომელიც წლის დასაწყისში საქართველოს პორტში იმყოფებოდა

„საქართველოს ბანკის“ წარმომადგენელმა NextGen Payments & RegTech Forum-ზე გამოცდილება გააზიარა