აშშ-ს პრეზიდენტის, დონალდ ტრამპის თქმით, ვლადიმირ პუტინი უკრაინაში ევროკავშირის სამშვიდობო ჯარების განლაგებას დათანხმდება. ამის შესახებ მან საფრანგეთის პრეზიდენტთან, ემანუელ მაკრონთან ერთად გამართულ პრესკონფერენციაზე ისაუბრა.

ევროკავშირის მიერ უკრაინაში სამშვიდობო ჯარების განლაგების შესახებ ჟურნალისტის კითხვას აშშ-ს პრეზიდენტმა ასე უპასუხა:

"ის ამას დათანხმდება. მე მას ეს კითხვა დავუსვი. თუ ჩვენ შეთანხმებას მივაღწევთ, ის ომით დაინტერესებული აღარ იქნება. მე მას ზუსტად ეს ვკითხე. მას ამასთან [სამშვიდობო ჯარების განლაგებასთან] პრობლემა არ აქვს". - თქვა ტრამპმა.

ემანუელ მაკრონის თქმით, ევროპული ქვეყნები "მზად არიან და აპირებენ" უკრაინას უსაფრთხოების გარანტიების მიაწოდონ, მათ შორის, შესაძლოა, ჯარების განლაგების სახით.

მაკრონის თქმით, ჯარისკაცების განლაგების მიზანი "მშვიდობის შენარჩუნება" იქნება და ისინი არ იქნებიან წინა ხაზებზე განლაგებულნი.

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს