უკრაინის არმიამ რუსეთში რიაზანის, სარატოვის და ბრიანსკის რეგიონებზე უპილოტო აპარატებით მასშტაბური შეტევა განახორციელა.

უკრაინული მედიის ინფორმაციით, უპილოტო თვითმფრინავების თავდასხმის შედეგად ნავთობგადამამუშავებელი ქარხნის ტერიტორიაზე ხანძარი გაჩნდა, რომელიც „როსნეფტის“ შემადგენლობაში შედის.

რიაზანში თავდასხმა ასევე განხორციელდა თბოელექტროსადგურზე.

გავრცელებული ცნობით, უკრაინის შეიარაღებული ძალების თვითმფრინავებმა ასევე სცადეს შეტევა ენგელსის ნავთობგადამამუშავებელ ქარხანაზე, სარატოვის ოლქში და კრემნის ქარხანაზე ბრიანსკში, რომელიც აწარმოებს ჩიპებს.

თავდასხმების შესახებ განცხადებას ავრცელებს რუსეთის საგარეო საქმეთა სამინისტრო, რომლის თანახმად, გუშინ ღამით რუსეთის შეიარაღებულმა ძალებმა ქვეყნის 13 რეგიონში უკრაინის შეიარაღებული ძალების 121 უპილოტო აპარატი ჩამოაგდეს. მათივე ინფორმაციით, უკრაინის არმიის შეტევის სამიზნე იყო კურსკის, როსტოვის, მოსკოვის, ბელგოროდის, ვორონეჟის და ტულის ოლქებიც.

ავტორი: ექსპრესნიუსი,

სოციალური ქსელები

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ