ირანის ყოფილი საგარეო საქმეთა მინისტრი მოჰამედ ჯავად ზარიფი პრეზიდენტ იბრაჰიმ რაისისა და მისი გარემოცვის წევრების დაღუპვის ერთ-ერთ მიზეზად ამერიკის შეერთებული შტატების სანქციებს ასახელებს. 

როგორც მოჰამედ ჯავად ზარიფი აცხადებს, "საავიაციო ინდუსტრიის შესყიდვებზე აშშ-ის სანქციებმა ირანის პრეზიდენტის და მისი თანამგზავრების მოწამეობრივი სიკვდილი გამოიწვია". 

"ამ ინციდენტის ერთ-ერთი მიზეზი არის შეერთებული შტატები, რომელმაც საავიაციო ინდუსტრიის შესყიდვებზე სანქციებით, ირანის პრეზიდენტის და მისი თანამგზავრების მოწამეობრივი სიკვდილი გამოიწვია...

ირანელი ერი, რომელიც ამ 45 წლის განმავლობაში დიდი მოვლენების წინაშე დადგა, დაძლევს ამ ტრაგიკულ მოვლენას. აშშ-ის დანაშაული ჩაიწერება ირანელი ხალხისა გონებასა და ისტორიაში",- განაცხადა ყოფილმა საგარეო საქმეთა მინისტრმა.

შეგახსენებთ, გუშინ, 19 მაისს ირანის პრეზიდენტის, იბრაჰიმ რაისის ვერტმფრენი ირან-აზერბაიჯანის საზღვართან ახლოს ჩამოვარდა. ავიაკატასტროფის შედეგად, ბორტზე მყოფი 9 პირი, მათ შორის იბრაჰიმ რაისი და ქვეყნის საგარეო საქმეთა მინისტრი ჰოსეინ ამირ-აბდოლაჰიანი დაიღუპა.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა