დიაგნოზთან შეჭიდული ჯგუფების (DRG) დაფინანსების მოდელის მიმდინარეობასთან დაკავშირებით, სამუშაო შეხვედრა გაიმარათა.

აჭარის ჯანდაცვის სამინისტროს ცნობით, სამუშაო შეხვედრაში მონაწილეობას ღებულობდნენ  აჭარის კლინიკების წარმომადგენლები, საქართველოს პარლამენტისა და აჭარის უმაღლესი საბჭოს წევრები,  სამოქალაქო სექტორისა და ადგილობრივი სამინისტროს წარმომადგენლები.

DRG-სისტემის დაფინანსების მოდელზე, ძირითად გამოწვევებსა და ამ მიმართულებით სამომავლოდ განსახორციელებელ გეგმებზე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე, ილია ღუდუშაურმა ისაუბრა, ხოლო აჭარის  ჯანდაცვის მინისტრმა, ნინო ნიჟარაძემ, რეგიონში დაფინანსების მოდელის დანერგვის პროცესში არსებულ გამოწვევებთან დაკავშირებით გააცნო აუდიტორიას ინფორმაცია და აღნიშნა, რომ სწორედ დაფინანსების ამ მოდელის ამოქმედების შემდგომ, აჭარის ჯანდაცვის სამინისტროს თანადაფინანსებით, კარდიო და ონკო ქირურგიების, ასევე, პირველი დონის ინტენსიური თერაპიის სამედიცინო მომსახურება, ადგილობრივი მოსახლეობისთვის სრულად იფარება.

„გლობალურ რეფორმას, რომლის მიზანია კლინიკებმა მოქალაქეებს ხარისხიანი მომსახურება გაუწიონ და ფასიც ადეკვატური, სამართლიანი იყოს, ძალიან მოკლე ვადებში ვახორციელებთ. ჩვენი მიზანია მთლიანად DRG სისტემაში მოექცეს ჰოსპიტალური სექტორი და აქეთკენაა მიმართული ჩვენი ძალისხმევა. საერთო ჯამში შეგვიძლია შევაჯამოთ, რომ რეფორმა წარმატებით მიმდინარეობს, ყველაზე დიდი მონაპოვარი რაც DRG-ის დაფინანსების მოდელმა მოგვცა არის ის, რომ გაიზარდა ხარჯთეფექტიანობა და შემცირდა თანაგადახდების წილი, რომელიც ჩვენს მოსახლეობას ზოგიერთ შემთხვევაში ძალიან მძიმედ აწვა.

გასული წლის ნოემბრის თვის შემდეგ, 500 მილიონი ლარის დაფინანსება არის უკვე ამ მოდელით. მთავარი მიზანი რაც იყო - ხარჯთეფექტურობა და კლინიკების თანაბარ პირობებში ჩაყენება, მიღწეულია. შემცირებულია უკონტროლო თანაგადახდა და ზოგადად, დაწყებულია თანაგადახდის საკითხის მოწესრიგება. სამინისტრო მუდმივად კომუნიკაციის რეჟიმში იქნება კლინიკებთან და ერთობლივი თანამშრომლობით მივიღებთ საბოლოო შედეგს“, - აღნიშნა ილია ღუდუშაურმა.

სამუშაო შეხვედრა აჭარის უმაღლეს საბჭოში, პარლამენტის ჯანმრთელობის დაცვისა და სოციალურ საკითხთა კომიტეტის ინიციატივით გაიმართა.

ავტორი: NS (სტატია დაფინანსებულია),

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს