2023-02-09 16:40:28, 1603 ნახვა
ომი უკრაინაში
შვედეთი უკრაინას დამატებით 400 მილიონი დოლარის სამხედრო დახმარებას გაუწევს
შვედეთის პარლამენტმა დაამტკიცა მთავრობის ინიციატივა, რომლის მიხედვითაც უკრაინას 4,3 მილიარდი SEK-ის (406,7 მილიონი აშშ დოლარი) ღირებულების სამხედრო დახმარება გადაეცემა.
კერძოდ, შვედეთი უკრაინას სამხედრო აღჭურვილობასა და შვედური CV 90-ის ქვეითი საბრძოლო მანქანებს გადასცემს.
ცნობილია, რომ ეს დახმარება სამი ნაწილისგან შედგება და ერთ-ერთი მათგანი Archer-ის თვითმავალი საარტილერიო დანადგარები იქნება - მათი გაგზავნა დამატებით მომზადებას მოითხოვს, რომელსაც ასევე შვედეთის მთავრობა უზრუნველყოფს.
2022 წლის თებერვლიდან დღემდე, შვედეთის მხრიდან უკრაინის დახმარების მთლიანმა მოცულობამ 900 მილიონ ევროს გადააჭარბა.
ავტორი: ექსპრესნიუსი,
epn.ge (@expressnews.ge)
