უკრაინის პრეზიდენტის ადმინისტრაციის უფროსი მრჩეველი ალექსეი არესტოვიჩი მზად არის  მომავალ საპრეზიდენტო არჩევნებზე კანდიდატურის დასაყებებლად თუ მასში სახელმწიფოს ამჟამინდელი მეთაური ვოლოდიმირ ზელენსკი მონაწილეობას არ მიიღებს.

 როგორც არესტოვიჩმა დიმიტრი გორდონთან ინტერვიუში განაცხადა, ომისა და საომარი მდგომარეობის დროს საპრეზიდენტო ამბიციებზე საუბარი არასწორად მიაჩნია.

„ჩემი რეიტინგი ახლა პრეზიდენტის რეიტინგია. მე არ ვემიჯნები პრეზიდენტს. და არასდროს ვემიჯნები იმ ადამიანებს, ვისთანაც ვმუშაობ. შეიძლება განსხვავებული აზრი მქონდეს, მაგრამ ვერასოდეს დავუპირისპირდები.. იმიტომ, რომ ეს არ არის ჩემი მუშაობის პრინციპი," - განაცხადა არესტოვიჩმა.

„თუ  ზელენსკი იყრის კენჭს მეორე ვადით, ბუნებრივია, მე არ ვიყრი, არავითარ შემთხვევაში, ეს ტექნიკურად შეუძლებელია“, - დასძინა არესტოვიჩმა და დაადასტურა, რომ წინააღმდეგ შემთხვევაში ის თვითონ მივა არჩევნებზე.

 ცნობისთვის, პრეზიდენტის  აპარატის უფროსმა მრჩეველმა მიხაილ პოდოლიაკმა აღნიშნა, რომ  ომი რუსეთის ფედერაციასთან ვოლოდიმირ ზელენსკის პრეზიდენტობის დროს დასრულდება, რადგან არ შეიძლება არჩევნების ჩატარება საომარი მდგომარეობის დროს.

ავტორი: ექსპრესნიუსი,

სოციალური ქსელები

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post

ფესტივალი ZEIMI - ქართული კულტურისა და გემოს დღესასწაული ნიუ-იორკში თიბისის მხარდაჭერით გაიმართება