რუსულმა მედიამ დაადგინა სამხედროების ვინაობა The New York Times-ის ვიდეოდან ბუჩას მკვიდრთა მასობრივი სიკვდილით დასჯის შესახებ. ამის შესახებ ინფორმაციას რუსული გამოცემა „Важные истории“ ავრცელებს.

გამოცემის ცნობით, 37 წლის ჩინგიზ ატანტაევი არის NYT-ის მიერ გამოქვეყნებული სათვალთვალო კამერების ვიდეოს ეკრანებზე, რაზეც სახის ამოცნობის სერვისები და მისი ბიოგრაფიის დეტალები იმიუთითებს.

ატანტაევი წარმოშობით მაგადნელია, მაგრამ მრავალი წელია, რაც ფსკოვში ცხოვრობს. სწორედ იქ არის განლაგებული 104-ე და 234-ე საჰაერო თავდასხმის პოლკები (სამხედრო ნაწილი 32515 და სამხედრო ნაწილი 74268, შესაბამისად), რომლებიც, The New York Times-ის მიხედვით, ბუჩას გაწმენდით იყვნენ დაკავებულნი.

გარდა ამისა, გამოცემა აღნიშნავს, რომ ჟურნალისტებმა ატანტაევთან დაკავშირება მისი მეუღლის მეშვეობით სცადეს, თუმცა მან კითხვებზე პასუხის გაცემაზე და ჩინგიზთან დაკავშირებაზე უარი განაცხადა. ამავე დროს, მან NYT სტატიას ყალბი უწოდა.

შეგახსენებთ, 20 მაისს The New York Times-მა გამოაქვეყნა სტატია, რომელშიც საუბარი იყო რუსი სამხედროების მიერ უკრაინული ბუჩას ცხრა მცხოვრების მკვლელობაზე, რის შემდეგაც მეორე დღეს თვითმფრინავმა მათი ცხედრები იაბლონსკას 144-ში მდებარე ოფისის შენობასთან დააფიქსირა.

ამასთან, ცნობები ბუჩაში რუსი სამხედროების მიერ ჩადენილი  სისასტიკისა და სიკვდილით დასჯის შესახებ მას შემდეგ გავრცელდა, რაც რუსულმა ძალებმა უკან დახევა დაიწყეს მარტის ბოლოს. ბუჩას ისტორიებმა და სურათებმა გააძლიერა საერთაშორისო მოწოდებები რუსეთის წინააღმდეგ ომის დანაშაულების სასამართლო პროცესის შესახებ. რუსმა ოფიციალურმა პირებმა არაერთხელ უარყვეს ცნობები ბუჩაში ჩადენილი სისასტიკეების შესახებ და მათ „ყალბი“ უწოდეს.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა