ნატო-ს გენერალური მდივნის მოადგილემ, მირჩა ჯაოანმა განაცხადა, რომ უკრაინაში ომის მეორე ეტაპი გარდაუვალია და ის უფრო რთული და სისხლმღვრელი იქნება.

„ჩვენ ველოდებით სწრაფ გადასვლას ამ ომის მეორე ეტაპზე, რომელიც პირველსგან განსხვავებით უფრო რთულად წარიმართება, ბევრად უფრო ფართო ტერიტორიაზე, როგორც აღმოსავლეთში, დონბასში, სამხრეთით კი ყირიმის და მარიუპოლის მხარეს. ასე რომ, ჩვენი შეფასებით, ჩვენ გადავდივართ ამ ომის მეორე, კიდევ უფრო რთულ ეტაპზე, რომელიც თითქოს გაჭიანურდება“, - განაცხადა ჯაოანმა.

კითხვაზე, მოელის თუ არა ალიანსი პუტინის არმიის მიერ მშვიდობიანი მოსახლეობის განზრახ მკვლელობის გაგრძელებას, მან უპასუხა;

„ჩვენ ვიმედოვნებთ, რომ ეს მომავალში აღარ მოხდება, რადგან რასაც ისინი აკეთებენ უკვე ყველანაირ ზღვარს სცდება. მაგრამ ვიმეორებ, ჩვენ ველით საომარი მოქმედებების შემდგომ განახლებას ბევრად უფრო ფართო ფრონტზე. ეს აღარ იქნება ის, რაც ვნახეთ ომის პირველ ექვი კვირის განმავლობაში. სამწუხაროდ, გვექნება მსხვერპლი მშვიდობიან მოსახლეობაშიც“, - დასძინა ჯაოანმა.

ავტორი: ექსპრესნიუსი,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა