ბრიტანულმა დაზვერვამ უკრაინის ომის შესახებ ახალი ანგარიში გამოაქვეყნა.  ანგარიშში აღნიშნულია, რომ რუსეთმა ვერ მიაღწია თავდაპირველ მიზნებს და ახლა ცვლის სტრატეგიას.
ანგარიშის მიხედვით, რუსეთის ფედერაციის ჯარები კვლავ განიცდიან სირთულეებს უკრაინის მიწაზე არსებული რელიეფის გამო. ოკუპანტები დიდწილად არიან მიბმული საგზაო ქსელთან და ავლენენ თავშეკავებას მისგან მოშორებით მანევრების ჩატარებაზე. ამის გამო ხიდების ნგრევამ მნიშვნელოვნად შეანელა მტრის წინსვლა.
ანგარიშში წერია, რომ რუსეთს არ შეუძლია უკრაინის საჰაერო სივრცის აღება, ამიტომ მტრის თვითმფრინავები სასტიკად შეზღუდულია მათ მანევრებში. უკრაინის შეიარაღებულმა ძალებმა თავიანთ ტაქტიკაში ოსტატურად გამოიყენეს რუსული არმიის სუსტი მანევრირება. ამან შესაძლებელი გახადა მტრის შეჩერება და სერიოზული ზარალის მიყენება.
ვინაიდან ოკუპანტებმა ვერ მიაღწიეს თავდაპირველ მიზნებს, შეცვალეს სტრატეგია. ახლა მტერი შეეცდება გამოფიტოს უკრაინის შეიარაღებული ძალები და ყველა უკრაინელი. დიდი ალბათობით, გაძლიერდება მშვიდობიანი ქალაქების დაბომბვა, რაც გამოიწვევს მსხვერპლთა რაოდენობის ზრდას და ჰუმანიტარული კრიზისის გაძლიერებას. - აღნიშნავს ბრიტანული დაზვერვა.

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს