უკრაინის შეიარაღებულ ძალებთან ბრძოლის დროს მოკლეს რუსეთის საჰაერო-სადესანტო პოლკის მეთაური, პოლკოვნიკი სერგეი სუხარევი, რომელიც საქართველოს ეროვნული გმირის გიორგი ანწუხელიძის წამებაში მონაწილეობდა. 
2009 წელს გავრცელებულ პირველ ვიდეოში სადაც, გიორგი ანწუხელიძის წამებაა ასახული ერთ-ერთი ოკუპანტი სწორედ სერგეი სუხარევია. სტრასბურგის ადამიანის უფლებათა სასამართლოში გიორგი ანწუხელიძის მიმართ განხორციელებული წამებისა და არაადამიანური მოპყრობისა და სიცოცხლის უკანონო ხელყოფის ფაქტებს ადგენდა.  2010 წელს ახალგაზრდა იურისტთა ასოციაციამ რუსეთის საგამოძიებო კომიტეტისგან  მოითხოვა, ჩაეტარებინათ გამოძიება გიორგი ანწუხელძის მიმართ სავარაუდო დარღვევების ფაქტების გამო, თუმცა ეს გამოძიება რუსეთის ფედერაციამ არ დაიწყო.

დღეს სახელმწიფო ტელერადიოკომპანია „კოსტრომა“ გაავრცელა ცნობა, რომ  საჰაერო-სადესანტო ძალების კოსტრომას პოლკის მეთაური, პოლკოვნიკი სერგეი სუხარევი და კიდევ ოთხი ჯარისკაცი უკრაინის ტერიტორიაზე მოკლეს.
ტელერადიოკომპანიის ცნობით, მოკლეს უფროსი სერჟანტი სერგეი ლებედევი, სერჟანტი ალექსანდრე ლიმონოვი, კაპრალი იური დეგტიარევი და კაპიტანი ალექსეი ნიკიტინი.
”კაპიტანი ალექსეი ნიკიტინი სამსახურებრივი მოვალეობის შესრულების დროს გარდაიცვალა - კოსტრომა მსახურობდა ანაპას ერთ-ერთ სამხედრო ნაწილში,” - ნათქვამია სახელმწიფო ტელერადიომაუწყებლობის კომპანია კოსტრომას ვებგვერდზე.
ტელერადიოკომპანია იუწყება, რომ გუბერნატორმა სერგეი სიტნიკოვმა სამძიმარი გამოუცხადა დაღუპულთა ოჯახებსა და მეგობრებს.
BBC აღნიშნავს, რომ 331-ე გვარდიის საჰაერო სადესანტო პოლკი, რომელსაც მეთაურობდა პოლკოვნიკი სუხარევი, მონაწილეობდა როგორც ჩეჩნურ კამპანიაში, ასევე 2008 წელს სამხრეთ ოსეთის ხუთდღიან ომში.

საქართველოს შეიარაღებული ძალების სამხედრო მოსამსახურე, მე-4 ქვეითი ბრიგადის 41-ე ბატალიონის უმცროსი სერჟანტი გიორგი ანწუხელიძე 2008 წლის აგვისტოში, რუსმა და ოსმა სამხედროებმა ცხინვალში წამებით მოკლეს.

გიორგი ანწუხელიძის ცხედრის გადმოსვენება 2008 წლის ნოემბერში მოხერხდა.

მისი წამების ამსახველი ვიდეოკადრები კი ინტერნეტში 2009 წელს გავრცელდა.

სიკვდილის შემდეგ გიორგი ანწუხელიძეს საქართველოს ეროვნული გმირის წოდება მიენიჭა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა