შინაგან საქმეთა მინისტრი, ვახტანგ გომელაური საქართველოს  პარლამენტში,   „მინისტრის საათის“ ფორმატში, სამინისტროს მიერ 2021 წელს გაწეული საქმიანობისა და სამომავლო გეგმების შესახებ საუბრობს.

ვახტანგ გომელაურმა სიტყვით გამოსვლისას აღნიშნა, რომ კრიმინალური პოლიციის რეფორმის ფარგლებში, თბილისის მასშტაბით, უკვე ყველა უბანში მუშაობს 400-მდე  მართლწესრიგის ოფიცერი.

„მოქალაქეთა საზოგადოებრივი უსაფრთხოებისა და დაცულობის ხარისხის გაუმჯობესების მიზნით,  საზოგადოებაზე ორიენტირებული საპოლიციო საქმიანობის  პროექტის ფარგლებში,  სრულად გაუქმდა უბნის ინსპექტორის სამსახური და თბილისის მასშტაბით უკვე ყველა უბანში მუშაობს და საზოგადოებრივ წესრიგს იცავს 400-მდე  მართლწესრიგის ოფიცერი.

რეფორმა გრძელდება და კონცეფციის სრულყოფილად ასამუშავებლად იგეგმება მართლწესრიგის ოფიცრების რაოდენობის ეტაპობრივი ზრდა და ინსტიტუტის ქვეყნის ყველა მსხვილ ქალაქში დანერგვა“.

შინაგან საქმეთა მინისტრმა ასევე აღნიშნა, რომ მიმდინარე წელს იგეგმება რაჭა-ლეჩხუმისა და ქვემო სვანეთის პოლიციის დეპარტამენტის შექმნა. რომელიც 2005 წელს გაუქმდა.

„კრიმინალური პოლიციის რეფორმის ფარგლებში, მიმდინარე წელს იგეგმება რაჭა-ლეჩხუმისა და ქვემო სვანეთის პოლიციის დეპარტამენტის შექმნა, რომელიც 2005 წელს გაუქმდა. მოგეხსენებათ, ბოლო პერიოდში, რეგიონში, ინფრასტრუქტურული პროექტების განვითარების პარალელურად,  გაიზარდა ტურისტული ნაკადები და შესაბამისად, საჭირო გახდა დეპარტამენტის ცალკე გამოყოფა,“ - განაცხადა ვახტანგ გომელაურმა.

ავტორი: NS (სტატია დაფინანსებულია),

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა