ე.წ. კარტოგრაფების საქმეზე დაკავებული ივერი მელაშვილის ადვოკატის, ედუარდ მარიკაშვილის განცხადებით, მისი დაცვის ქვეშ მყოფი დაზუსტებულ ბრალს არ ეთანხმება.

მისი თქმით, საბრალდებო მუხლში არაფერი შეცვლილა.

„დღეს დაზუსტებულ ბრალდებაში ჩაემატა ორი სიტყვა, „სხვისი დავალებით“. თითქოს, სხვისი დავალებით ხორციელდებოდა მთელი ის მოქმედებები, რასაც ბრალდებულებს ედავებოდნენ აქამდე. ვისი დავალებით, რა მტკიცებულებებია და ა.შ. ჩვენთვის ამ ეტაპზე, ეს არის მხოლოდ ზეპირსიტყვიერი განცხადება და იმ ორი წერილობითი სიტყვითაა ცნობილი, რომელიც ბრალდებაშია ჩაწერილი. ამ ეტაპისთვის სხვა მტკიცებულებები არ გვაქვს, ციხეში რამე დამატებითი მტკიცებულება არ წარმოუდგენიათ. ივერი მელაშვილი კატეგორიულად არ ეთანხმება ბრალდებას, მისთვის ყოველივე ეს მიუღებელია“, - განაცხადა ედუარდ მარიკაშვილმა.

ცნობისთვის, პროკურატურამ ე.წ. კარტოგრაფების საქმეზე დაკავებულ ივერი მელაშვილსა და ნატალია ილიჩოვას დღეს ბრალდება დაუზუსტა. ბრალდების მხარის განცხადებით, დაკავებულები ზემდგომი თანამდებობის პირების დავალებით, განზრახ მოქმედებდნენ.

ავტორი: ექსპრესნიუსი,

სოციალური ქსელები

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post

ფესტივალი ZEIMI - ქართული კულტურისა და გემოს დღესასწაული ნიუ-იორკში თიბისის მხარდაჭერით გაიმართება