შინაგან საქმეთა სამინისტროს ქვემო ქართლის სამხარეო მთავარი სამმართველოს რუსთავის საქალაქო სამმართველოს თანამშრომლებმა, ოპერატიული ინფორმაციის საფუძველზე ჩატარებული სამძებრო-საგამოძიებო ღონისძიებების შედეგად, 1996 წელს დაბადებული საბა გ. ქურდობის ბრალდებით დააკავეს.

უწყების ინფორმაციით, გამოძიებამ დაადგინა, რომ ბრალდებულმა რუსთავში, დავით გარეჯის ქუჩაზე, ჯართის მიმღები პუნქტის ოფისიდან კომპიუტერის 2 პროცესორი, ხოლო ეზოდან ფერადი ლითონი მოიპარა.

„საბა გ-მ ნაქურდალი ნივთების ნაწილი ჯართის მიმღები პუნქტიდან მოშორებით, მიტოვებულ ადგილას გადამალა და შემთხვევის ადგილიდან მიიმალა. ასევე დადგინდა, რომ ბრალდებულმა ერთი მოპარული პროცესორი თბილისში გაყიდა, ხოლო მეორე ლომბარდში ჩააბარა.

სამართალდამცველებმა, ჩატარებული საგამოძიებო და სამძებრო მოქმედებების შედეგად, საბა გ. მომხდარიდან რამდენიმე დღეში, თავისი ნათესავის სახლში, გარდაბნის რაიონის სოფელ გამარჯვებაში დააკავეს. პოლიციამ ბრალდებულის მიერ გადამალული ნივთები ნივთმტკიცებად ამოიღო. დაკავებული ჩადენილ დანაშაულს აღიარებს“, - ნათქვამია შსს-ს განცხადებაში.

გამოძიება ქურდობის ფაქტზე მიმდინარეობს (საქართველოს სსკ-ის 177-ე მუხლის მე-2 ნაწილის „ა“ და „ბ“ ქვეპუნქტებით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო