„ევროპული საქართველოს“ ლიდერი დავით ბაქრაძე „ქართული ოცნების“ ინიციატივას, პარლამენტის წევრების მხრიდან საკუთარი ხელფასის 1/3-ის კორონავირუსის დახმარების ფონდში გადარიცხვის თაობაზე, დადებითად აფასებს.

მისი თქმით, ახლა როგორც არასდროს, ქვეყანაში მნიშვნელოვანია ქველმოქმედებაც და საზოგადოების ერთიანობის და საზოგადოებრივი სოციალური სოლიდარობის ჩვენებაც.

„მინდა გამოვეხმაურო პარტია „ქართული ოცნების“ ინიციატივას პარლამენტის წევრების მხრიდან საკუთარი ხელფასის 1/3-ის კორონავირუსის დახმარების ფონდში გადარიცხვის თაობაზე. რა თქმა უნდა, ასეთ სიტუაციაში, როდესაც ვირუსი საფრთხეს უქმნის ჩვენი მოქალაქეების სიცოცხლეს და ჯანმრთელობას. როდესაც ვირუსი ემუქრება ათასობით ადამიანის სამუშაო ადგილს და მათი ოჯახების შემოსავალს. როგორც არასდროს მნიშვნელოვანია ქველმოქმედებაც და მნიშვნელოვანია საზოგადოების ერთიანობის და საზოგადოებრივი სოციალური სოლიდარობის ჩვენებაც. თუ რომელიმე პარტია და პირველ რიგში, მმართველი პარტია, მილიარდელის პარტია ან სხვა ნებისმიერი პარტია გადაწყვეტს მეტი სოციალური ნაბიჯები გადადგას სოლიდარობისკენ და გაჭირვებული ადამიანების დახმარებისკენ, რა თქმა უნდა, ამას მხოლოდ დადებითად შევაფასებთ და ყოველთვის მზად ვიქნებით ჩვენი შეძლების ფარგლებში მაქსიმალურად დავეხმაროთ ყველა გაჭირვებულ ოჯახს ჩვენს ქვეყანაში“, - განაცხადა დავით ბაქრაძემ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა