02:59 - 08 Apr, 2020
2020-03-22 20:04:14, 1044 ნახვა

პოლიტიკა
სოზარ სუბარი - საკოორდინაციო საბჭო შეუჩერებლად მუშაობს იმაზე, თუ როგორ დავიცვათ მოქალაქეების ჯანმრთელობა, როგორ გადავარჩინოთ ეკონომიკა

საკოორდინაციო საბჭო შეუჩერებლად მუშაობს, ხშირად გაფართოებულ ფორმატში, ანუ ყველა ერთად და პრაქტიკულად ყოველ დღე ხდება ჯგუფების შეხვედრა, ეს არის ეკონომიკური, ჯანდაცვის, ძალოვანები, - ამის შესახებ პრემიერ-მინისტრის მრჩეველმა რეგიონული განვითარების საკითხებში სოზარ სუბარმა, საკოორდინაციო საბჭოს დასრულების შემდეგ განაცხადა.
 
სოზარ სუბარმა იმ გადაწყვეტილებებზე ისაუბრა, რისი მიღებაც ეკონომიკური ჯგუფის შეხვედრაზე დაიგეგმა.
 
„ყველა მიმართულება, რომელიც არის მნიშვნელოვანი, როგორ დავიცვათ მოქალაქეების ჯანმრთელობა, როგორ გადავარჩინოთ ეკონომიკა, რომ მერე, როდესაც გადაივლის ეს კრიზისი, რესტარტი იყოს გაცილებით ადვილი და როგორ დავიცვათ წესრიგი ამ პერიოდში, ეს ყველაფერი მუშაობდეს შეუფერხებლად.
პირველი რიგის გადაწყვეტილება არის, რა გავაკეთოთ იმისთვის, რომ სოციალურად ყველაზე დაუცველი მოქალაქეების მდგომარეობა იყოს მაქსიმალურად დაცული და დავეხმაროთ თითოეულ მათგანს, როგორ გადავლახოთ ეს კრიზისი. ასევე, ის ადამიანები, რომლებიც ამ დღეების განმავლობაში უმუშევრები რჩებიან, ის კომპანიები, რომლებიც იძულებული გახდნენ, გაჩერდნენ, რა გავაკეთოთ, რომ მათი მდგომარეობა იყოს გადალახვადი და ხვალ,ზეგ მათ ადვილად შეეძლოთ მუშაობის დაწყება.
ასევე, რა გავაკეთოთ რეგიონებში, რადგან დღეს პრაქტიკულად ეს არის კრიზისი, რომელიც შეეხო ერთდროულად ყველას, ყველა რეგიონს, ქალაქს, სოფელს, ყველა ოჯახში შეაღწია. რომ მაქსიმალურად თანაბრდ იყოს ყველა რეგიონში ვითარება კონტროლირებადი", -  განაცხადა სოზარ სუბარმა.
 
პრემიერის მრჩეველი ამბობს, რომ  არის სფეროები, სადაც მთავრობა ცდილობს,  ნორმალურად შეინარჩუნოს ეკონომიკური აქტივობა.
 
„ეს არის სოფლის მეურნეობა, სამშენებლო სექტორი, ინფრასტრუქტურული სექტორები, ანუ ის სექტორები, სადაც დახურულ სივრცეებში ნაკლებად უწევთ ადამიანებს ყოფნა. თუმცა, არის სექტორები, რომელთა შენარჩუნებაც, ასევე, სასიცოცხლოდ მნიშვნელოვანია. მაგალითად, რამდენიმე დღეა ჩვენ ვხედავთ, რომ ძალიან ბევრი ბიზნესი ჩაერთო პირბადეების კერვაში, სპეციალური აღჭურვილობის კერვაში, სადეზინფექციო ხსნარების გაკეთებაში, ანუ ის, რაც ნაკლებად შემოდის დღეს იმიტომ, რომ ყველა ქვეყანამ დაკეტა თავისი საზღვრები ამ მიმართულებით და მაქსიმალურად რომ გადაერთოს ჩვენი წარმოება ადგილზე ამ სასიცოცხლოდ მნიშვნელოვანი სფეროების ადგილზე გაკეთებაში. ისევე, როგორც პრაქტიკულად არ ჩერდება და პირიქით, მარტივდება სატრანზიტო მიმოსვლა იმიტომ, რომ ეს არის ძალიან მნიშვნელოვანი ქვეყნის ეკონომიკისთვის", -  განაცხადა სოზარ სუბარმა.




ავტორი: ექსპრესნიუსი,


სოციალური ქსელები
კომენტარები

კორონავირუსი - ყველა სიახლე

2020-04-08 00:40:46

დავითაშვილი - ახალი სახელმწიფო პროგრამით, ბიზნესი საკუთარი ინტერესების დაზიანების გარეშე მოახდენს მოსახლეობის პროდუქციით უზრუნველყოფას

2020-04-07 23:36:23

დავითაშვილი - კომერციულად მისაღები ინიციატივები შესაძლოა არ იყოს თავსებადი ჯანდაცვის რეკომენდაციებთან, ჩვენი უპირველესი ამოცანა კი, მოსახლეობის ჯანმრთელობის დაცვაა

2020-04-07 23:05:04

დავითაშვილი - შეიქმნა პლატფორმა, სადაც ფერმერებს შესაძლებლობა ეძლევათ მოვაჭრეებს თავიანთი წარმოებული მალფუჭებადი სურსათი მიაწოდონ

2020-04-07 22:09:32

საქართველოში კორონავირუსით ინფიცირებულთა რიცხვი 196-მდე გაიზარდა

2020-04-07 22:06:21

გამყრელიძე -ვპროგნოზირებთ, რომ კვირის ბოლოს დაავადება უნდა გვქონდეს 350-400-ის ფარგლებში

ვიდეო/LIVE

საქართველოში კორონავირუსით მეორე ადამიანი გარდაიცვალა.







არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics