მეცნიერები აღნიშნავენ, რომ ბაქტერიებისთვის ძალიან სასიმოვნო გარემოს ქმნის ჩვენი დივაისები. მსოფლიოში შექმნილი სიტუაციის გათვალისწინებით, ამას განსაკუთრებული ყურადღება უნდა მივაქციოთ. სამწუხაროდ, არამხოლოდ ჩვეულებრივ მოკვდავებს, არამედ ექიმებსაც კი ხშირად ავიწყდებათ, თუ რაოდენ მნიშვნელოვანია დივაისებთან შეხება და მათი სისუფთავეში შენახვა.

პირველ რიგში შევთანხმდეთ, რომ ტექნოლოგიური ნივთების ყველანაირი სადეზინფექციო საშუალებით გაწმენდა არ არის მიზანშეწონილი. გამოგადგებათ მხოლოდ სპეციალური სითხეები. ამას გარდა შეგიძლიათ გამოიყენოთ ანტიბაქტერიული სველი ხელსახოცები და უბრალო სპირტი.

ტელეფონი

ტელეფონს ყველაზე ხშირად ვეხებით. საპირფარეშოში შესვლისას თუ საწოლში დაწოლისას ეს დივაისი სულ ჩვენს გვერდითაა, ამიტომ მნიშვნელოვანია ყველაზე ხშირად სწორად ტელეფონის სისუფთავეზე ვიზრუნოთ. ზემოთ უკვე აღვნიშნეთ, თუ რითი შეიძლება ამის გაკეთება.

• მოხსენით ტელეფონს ქეისი
• მოათავსეთ სუფთა ზედაპირზე
• აიღეთ სველი ანტიბაქტერიული ხელსახოცი ან ოდნავ ნამიანი ბამბა.
• გაიწმინდეთ ხელები
• ჯერ ტელეფონის ეკრანი გადაწმინდეთ
• გადმოატრიალეთ და დაამუშავეთ უკანა ზედაპირი.
• გაწმინდეთ ქეისი

ასე თქვენ თავს დაიცავთ ბაქტერიებისგან, თუმცა იყავით თანმიმდევრული, მაგალითად ამ პროცედურის შემდეგ ტელეფონი ისევ ჭუწყიან ზედაპირზე არ მოათავსოთ. ეს პროცედურა გაიმეორეთ ყოველთვის როდესაც ტავად დაიბანთ ხელებს. სუფთა ხელით ჭუჭყიან ტელეფონზე შეხება თქვენს ხელებს ისევ ბინძურად აქცევს.

კომპიუტერი

მეორე დივაისი რომელიც ძალიან ხშირად ხდება შეხების საგანი, არის სამუშაო კომპიუტერი. რამდენჯერ ვეხებით ხელით კლავიატურას და რამდენჯერ ვეხებით სპონტანურად დაუბანელი ხელებით. გახსოვდეთ პრინციპი აქაც მარტივია, ხელს რომ დაიბანთ გაწმინდეთ კომპიუტერის ზედაპირიც. აქაც შეგიძლიათ გამოიყენოთ ჩვენს მიერ ჩამოთვლილი გასაწმენდი საშუალებები. არ დაგავიწყდეთ ეკრანის გაწმენდა და რაც მთავარია მაუსი, რომელსაც ასევე ხშირად ვიყენებთ და ზოგჯერ გვავიწყდება რომ ეს ნივთიც ბაქტერიების ბუდეა, ისევე როგორც ყველა სხვა რომელსაც ხშირად ვეხებით.

პულტი

სასაცილოდ ჟღერს, თუმცა პულტი ოჯახებში საუკუნეების მანძილზე არ იწმინდება, თუმცა მას ყველანი ვეხებით, ოჯახის ყოველი წევრი და მიუხედავად იმისა, რომ პულტი სახლის განუყოფელი ნაწილია, მაინც ბინძურდება.

ყურსასმენი

ყორსასმენს ყოველდღიურად არ ვეხებით, მაგრამ ის მაინც ბაქტერიების ბუდედ იქცევა გარკვეული დროის შემდეგ. ეს ნივთიც, იმ ხშირად გამოყენებული ნივთების სიაშია, რომელიც აუცილებლად უნდა გავწმინდოთ სადეზინფექციო საშუალებებით, თუმცა ძალიან ფრთხილად. ამ დივაისის სინესტით დაზიანება სხვებზე უფრო მარტივია, ამიტომ ბამბა სულ ოდნავ უნდა იქნეს დანამული. რადგან ყურსასმენს პირდაპირი შეხება აქვს სახესთან გირჩევთ უცნობი სადეზინფექციო ხსნარები არ გამოიყენოთ, ალერგიის თავიდან აცილების მიზნით. უბრალოდ სპირტი ამ შემთხვევაში უფრო ეფექტური იქნება.

ბოლო დროს მსოფლიოში გავრცელებული ვირუსის გამო, ყველას გაახსენდა სიფრთხილე და ბაქტერიებთან ბრძოლა აუცილებელ პირობად იქცა, თუმცა საკუთარი დივაისების ამგვარად მოვლა ისედაც ყოველთვის აუცილებელი იყო. ზომების გაძლიერების მიზნით მეცნიერები გვირჩევენ რომ ხელი ნახევარ საათში ერთხელ დავიბანოთ. ამისთვის შეგვიძლია შემახსენებელი გამოვიყენოთ ტელეფონზე და სწორედ ამ დროს გავწმინდოთ ყველა ის დივაისი რომელსაც დღის განმავლობაში ვეხებით.

ამ და სხვა სიფრთხილის ნორმების დაცვით ვიცავთ საკუტარ თავს და ახლობლებს, ჩვენ ხომ უსულო საგნის გარდა ვეხებით ადამიანებს, საკუთარ სახეს და საკვებს რომელსაც მივირთმევთ. შეინარჩუნეთ ჯანსაღი სიფრთხილე და გაუფრთხილდით საკუთარ ჯანმრთელობას!

ავტორი: R (რეკლამა),

სოციალური ქსელები

დევნილთა სააგენტოს დირექტორი შიდა ქართლის რეგიონში მცხოვრებ დევნილებს შეხვდა

„ეკომიგრანტი ოჯახების საცხოვრებლით უზრუნველყოფის“ პროგრამის ფარგლებში, უსაფრთხო საცხოვრისი დამატებით 27-მა ეკომიგრანტმა ოჯახმა შეიძინა

როთი კობახიძეს - გთხოვთ, გაიწვიოთ კანონპროექტი!

სოფელ დიღომში სპორტული მოედნებისა და დასასვენებელი სივრცის მოწყობა მიმდინარეობს