ინფექციური საავადმყოფოს დირექტორის, თენგიზ ცერცვაძის ინფორმაციით, საქართველოში კორონავირუსით დაინფიცირებული 8 ახალი შემთხვევიდან, ერთი პაციენტი მოთავსებული იყო ინფექციურ საავადმყოფოში და მას ჰქონდა კონტაქტი იტალიიდან ჩამოსულ, კორონავირუსით დაინფიცირებულ მეხუთე ადამიანთან.

მისივე ინფორმაციით, ხუთ ადამიანს, ახალი ტიპის კორონავირუსი თვითიზოლაციაში ყოფნის დროს გამოუვლინდა.

„ბოლო ერთ საათში დრამატულად შეიცვალა სიტუაცია და 8 ახალი შემთხვევა დაფიქსირდა. ერთი მათგანი არის პიროვნება, რომელიც კონტაქტში იმყოფებოდა პაციენტ ნომერ ხუთთან. ის თავის მოვალეობას ასრულებდა, რაშიც გასამრჯელო აიღო და ვარაუდობს, რომ მას ვირუსი ფულისგან გადედო. ხოლო კორონავირუსი ასევე 5 იმ ადამიანს გამოუვლინდა, რომლებიც თვითიზოლაციაში იმყოფებოდნენ და რამდნეიმე დღის წინ ვირუსი არ დაუდასტურდათ. მათ კონტაქტი ჰქონდათ ინფიცირებულ ქალბატონთან, რომელიც ჩვენთან მე-8 დღეა წევს. ახლა გყვავს ორი დიდი ჯგუფი რომელმაც იმოგზაურა იტალიაში",- განაცხადა თენგიზ ცერცვაძემ.

როგორც ცერცვაძემ ჟურნალისტებთან საუბრისას აღნიშნა, ჯერჯერობით მისთვის უცნობია ახლად დაინფიცირებული ადამიანების ჯანმრთელობის მდგომარეობა, თუმცა 23 დაინფიცირებულიდან, მხოლოდ ერთს აღენიშნება სიმძიმე.

მისივე თქმით, ქვეყანაში ინფექციის შიდა გადაცემები არის მინიმალური.

ცნობისთვის, ამ დროისთვის, საქართველოში კორონავირუსის 23 შემთხვევაა დაფიქსირებული.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა