ლიტვის პრემიერმა ალგირდას ბუტკევიჩიუსმა ორი ქვეყნის ეკონომიკური თანამშრომლობის გააქტიურებაზე ყურადღება გაამახვილა.

როგორც ბუტკევიჩიუსმა მთავრობის ადმინისტრაციაში სასქართველოს პრემიერ–მინისტრ ირაკლი ღარიბაშვილთან ერთად გამართულ ერთობლივ ბრიფინგზე განაცხადა, საქართველოში ლიტველი ბიზნესმენების დიდი დელეგაცია ჩამოვიდა და ისინი მზად არიან, ქართველ კოლეგებთან ერთად ბიზნესი აწარმოონ.

ბუტკევიჩიუსმა ასევე ეკონომიკური თანამშრომლობის შესახებ ხელშეკრულებაზე ისაუბრა, რომელსაც ხვალ, ლიტვა და საქართველო ხელს მოაწერენ.

მან ასევე აღნიშნა, რომ ეს დოკუმენტი ორმხრივი ურთიერთობის განვითარებაში მნიშვნელოვან წვლილს შეიტანს.

„ჩვენ ხვალ ხელს მოვაწეთ ეკონომიკური თანამშრომლობის ხელშეკრულებას და დარწმუნებული ვარ, აღნიშნული დოკუმენტი ძალიან მნიშვნელოვან წვლილს შეიტანს ჩვენი ორმხრივი ურთიერთობის განვითარებაში. სამთავრობოშორისი კომისია იქნება ძალიან მნიშვნელოვანი ახალი მექანიზმი, იმისთვის, რომ განვიხილოთ შესაბამისი სავაჭრო, ეკონომიკური თანამშრომლობის საკითხები. მე ბიზნესმენების ძალიან დიდი დელეგაცია ჩამოვიყვანე და ისინი მზად არიან ქართველ კოლეგებთან ერთად ბიზნესი აწარმოონ“, – აღნიშნა ბუტკევიჩიუსმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიმინალური დაჯგუფება სისტემატურად ძალავდა ბიზნესმენს ფულს, უარის შემთხვევაში ბიზნესის რეკეტით და ჯანმრთელობის განადგურებით ემუქრებოდნენ

„SARAJISHVILI“-ს, „ASKANELI“-სა და „ASKANELI V.S.O.P“-ის ბრენდების ფალსიფიციას ახდენდნენ საცხოვრებელ სახლში

პენტაგონი: ირანში კონფლიქტში დაღუპული ამერიკელი სამხედროების რიცხვი 19-მდე გაიზარდა

თვეების განმავლობაში მიმდინარე დავის შემდეგ, ტრამპმა დანიასთან და გრენლანდიასთან შეთანხმებას მოაწერა ხელი