2020-01-24 14:13:40, 1976 ნახვა
საზოგადოება
რეჟისორი გოგი თოდაძე გარდაიცვალა
დამსახურებული ქართველი რეჟისორი და მსახიობი გოგი თოდაძე, 74 წლის ასაკში გარდაიცვალა.
გოგი თოდაძე იყო შოთა რუსთაველის თეატრისა და კინოს სახელმწიფო უნივერსიტეტის პროფესორი, ასევე ათეული წლების განმავლობაში გოგი თოდაძე მარჯანიშვილის თეატრში მუშაობდა.
გოგი თოდაძეს სხვადასხვა თეატრებში 90-მდე სპექტაკლი აქვს დადგმული. მისი გახმაურებული სპექტაკლებია „ეზოში ავი ძაღლია“ და „ნეაპოლი მილიონერთა ქალაქი“.
გოგი თოდაძე ხელმძღვანელობდა სკოლა-სტუდია „ბერიკებს“, რომელმაც ქართული თეატრისა და კინოს ახალგაზრდა მსახიობთა თაობები აღზარდა. იყო მოსწავლე ახალგაზრდობის სასახლის სამხატვრო ხელმძღვანელი.
ავტორი: ექსპრესნიუსი,
epn.ge (@expressnews.ge)
