დასავლეთ საქართველოს ინტერვენციული მედიცინის ეროვნული ცენტრის დირექტორმა ჯანდაცვის სექტორში დაგეგმილი რეფორმები შეაფასა

2019-12-28 10:24:55, 902 ნახვა

საზოგადოება

„ჩემთვის ძალიან მნიშვნელოვანი თემები გაჟღერდა სამინისტროს მხრიდან, ნამდვილად დღის წესრიგში დასაყენებელი იყო და აქტუალური“ - ასე აფასებს დასავლეთ საქართველოს ინტერვენციული მედიცინის ეროვნული ცენტრის დირექტორი, ჯანდაცვის სექტორში დაგეგმილ იმ რეფორმებს, რომელთა შესახებაც საქართველოს მთავრობისა და სამედიცინო საზოგადოების წარმომადგენლებმა დღეს იმსჯელეს.

მისი თქმით, ტარიფიკაციასთან დაკავშირებით მუშაობა როგორც სამინისტროს, ასევე კლინიკების წარმომადგენლების მხრიდან მოხდება.

„პირველ რიგში ეს იყო ტარიფიკაციასთან დაკავშირებით, სადაც დავდეთ პირობა, რომ ერთიანად მოხდებოდა ფასებთან დაკავშირებით მუშაობა, როგორც სამინისტროს ასევე კლინიკების წარმომადგენლების მხრიდან. მეორე მნიშვნელოვანი ასპექტი იყო სელექტიური კონტრაქტირების თემა. მესამე - სამედიცინო პერსონალის კვალიფიკაციის გადაფასების საკითხი და სამედიცინო მომსახურეობის საკითხი ზოგადად“, - განაცხადა ანჟელა ორჯონიკიძემ.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),