„გრიპი არის ზამთრისთვის ჩვეულებრივი მოვლენა და ჩვენთვის დღეს არ ითვლება ეს ეპიდემიად“, - ამის შესახებ დაავადებათა კონტროლის ცენტრის ხელმძღვანელის მოადგილე, პაატა იმნაძემ დღეს გამართულ პრესკონფერენციაზე განაცხადა.

მისი თქმით, ბოლო კვირის მონაცემებით, ავადობა 100 ათას მოსახლეზე 190 ადამიანია.

„ბოლო კვირის მონაცემებით ავადობა არის 190 ადამიანი 100 ათას მოსახლეზე. არავითარ ეპიდემიაზე ლაპარაკი არ არის. ამიტომ ადამიანები, რა თქმა უნდა, გრიპით არიან და ძირითადად ეს არის ბავშვთა ასაკი და მცირეწლოვანები. შესაბამისად, ჰოსპიტალიზაციაც მათ უხდებათ. დიდების საავადმყოფოში არ არის ასეთი გადატვირთულობა, როგორიცაა ბავშვთა საავადმყოფოებში. ეს არის ზამთრისთვის და ამ პერიოდისთვის ჩვეულებრივი მოვლენა და ჩვენთვის დღეს არ ითვლება ეს ეპიდემიად. მთავარი არის ის, რომ არ მივიდეთ იქამდე, რომ ვიღაცას გრიპის ვირუსი გაურთულდეს, რაც შეიძლება ფატალურადაც დამთავრდეს. ძალიან მნიშვნელოვანია, რომ თუ ბავშვს აქვს სიცხე 38.5 და მეტი, აუცილებლად უნდა ნახოს ექიმმა“, - განაცხადა პაატა იმნაძემ.

ავტორი: ექსპრესნიუსი,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს