ფიზიკური პირები, რომლებიც არ იყენებენ დაქირავებულ პირთა შრომას და ახორციელებენ ეკონომიკურ საქმიანობას ბაზრის (ბაზრობის) ტერიტორიაზე განლაგებული არასტაციონალური სავაჭრო ადგილიდან, მათ შორის დახლიდან, 2022 წლის 1 იანვრამდე საკონტროლო-სალარო აპარატების გამოყენების ვალდებულებისგან თავისუფლდებიან.

საგადასახადო კოდექსში შესაბამისი ცვლილების შეტანის შესახებ კანონპროექტს პარლამენტმა დღეს მესამე მოსმენით დაუჭირა მხარი.

ცვლილება არ ეხება ფიზიკურ პირს, რომელსაც მინიჭებული აქვს მცირე ბიზნესის სტატუსი ან დარეგისტრირებულია/ვალდებულია დარეგისტრირდეს დღგ-ის გადამხდელად.

შეგახსენებთ, საგადასახადო კოდექში 2017 წლის 23 დეკემბერს განხორციელებული ცვლილებების შედეგად განსაზღვრული იყო, რომ 2020 წლის 1 იანვრიდან ბაზრობის ტერიტორიაზე ვაჭრობის განმახორციელებელი ფიზიკური პირი ვალდებული იყო საქონლის მიწოდებისას გამოეყენბინა საკონტროლო-სალარო აპარატი. თუმცა, დღეს მიღებული კანონპროექტის განმარტებით ბარათში ნათქვამია, რომ ზემოხსენებულ ვადაში კანონის ამოქმედება აუცილებლად გამოიწვევდა მთელ რიგ პრობლემებს და ძირითადად დაზარალდებოდნენ რიგითი მოვაჭრეები, ვინაიდან რეგულაციების რეალურად ამოქმედებისათვის საჭირო იყო გარკვეული მომზადება და შესაბამისი სამუშაოების ჩატარება, რაც დამატებით დროს მოითხოვდა.

კანონპროექტის ავტორი და ინიციატორი ფრაქცია „ქართული ოცნება - დემოკრატიული საქართველოს“ წევრი გია ჟორჟოლიანია.

ავტორი: ექსპრესნიუსი,

სოციალური ქსელები

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს

ფავლენიშვილი- უპრეცედენტო შემთხვევაა ჩვენი ქვეყნის ისტორიაში, როდესაც ადამიანი თვითონ აცხადებს, რომ გახდა გაუპატიურების მსხვერპლი პენიტენციურ სისტემაში

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს