საქართველოსა და იაპონიას შორის ხელი მოეწერა ოქმს მოლაპარაკების დასრულების შესახებ ინვესტიციების დაცვის, ხელშეწყობისა და ლიბერალიზაციის შეთანხმებასთან დაკავშირებით. ხელმოწერა საქართველოს ეკონომიკისა და მდგრადი განვითარების სამინისტროში 1,5-წლიანი მოლაპარაკების წარმატებით დასრულების შემდეგ გაიმართა. საქართველოს მხრიდან ოქმს ხელი მოაწერა ეკონომიკისა და მდგრადი განვითარების მინისტრის მოადგილე გენადი არველაძემ. მომდევნო ეტაპია შიდა სამართლებრივი პროცედურების გამართვა და შეთანხმების ოფიციალური გაფორმება.

„ინვესტიციების დაცვის, ხელშეწყობისა და ლიბერალიზაციის შესახებ შეთანხმების გაფორმება კარგი გზავნილია პოტენციური ინვესტორებისთვის იაპონიიდან, რომლებიც განიხილავენ ჩვენს ქვეყანაში შემოსვლას ბიზნესის კეთების მიზნით და მისი გეოსტრატეგიული მდებარეობის გამოყენებას რეგიონის სხვა ბაზრებზე გასასვლელად. შეთანხმება იაპონიიდან მაღალტექნოლოგიურ სექტორებში მეტი ინვესტიციის შემოსვლის შესაძლებლობას შექმნის. აღნიშნული დოკუმენტის სრულფასოვანი ამოქმედება გაამყარებს ჩვენს, როგორც რეგიონული ჰაბის, პოზიციას. ამასთან, ხელშეკრულება ქართულ ბიზნესსაც გაუადვილებს იაპონიის ბაზარზე შესვლას და ინვესტირებას," - განაცხადა ეკონომიკისა და მდგრადი განვითარების მინისტრის მოადგილემ.

ეკონომიკისა და მდგრადი განვითარების მინისტრის მოადგილის გენადი არველაძის პროგნოზით, საქართველოსა და იაპონიას შორის ინვესტიციების დაცვის, ხელშეწყობისა და ლიბერალიზაციის შესახებ შეთანხმების ხელმოწერა 2020 წლის პირველ ნახევარში იქნება შესაძლებელი.  

ავტორი: NS (სტატია დაფინანსებულია),

სოციალური ქსელები

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post

ფესტივალი ZEIMI - ქართული კულტურისა და გემოს დღესასწაული ნიუ-იორკში თიბისის მხარდაჭერით გაიმართება