„პოლიციამ პირდაპირ მერიის თანამშრომლების ხახაში ჩააგდო ეს ბავშვები და მხოლოდ მას შემდეგ მივიდნენ, როდესაც კარგად სცემეს“,- ასე გამოეხმაურა ფრაქცია „ევროპული საქართველოს“ წევრი,  ელენე ხოშტარია მცხეთაში, ხუნდაძის ბიუროსთან მომხდარ დაპირისპირებას.

მისი შეფასებით, ეს არის სახელწიფოს ძალადობრივი,  მიზანმიმართული ოპერაცია ახალგაზრდების წინააღმდეგ.

„მოძალადე მონები, ამ შემთხვევაში ხუნდაძის სახით, იმიტომ, რომ ებღაუჭებიან ძალაუფლებას, წავიდნენ პირდაპირ ძალადობაზე. ახალგაზრდებს მიუქსიეს მერიის თანამშრომლები და სასტიკად გაუსწორდნენ. "ევროპული საქართველოს" ერთ-ერთი ახალგაზრდა და "გაბედეს" წევრი და ასევე სხვა ახალგაზრდები "გაბედედან" რჩებიან დღეს საავადმყოფოში იმიტომ, რომ ტვინის შერყევა აქვთ, სასტიკად არიან ნაცემები. ხაზგასმით მინდა ვთქვა,  მათი მონაყოლიდან პირდაპირ ჩანს, პოლიციამ პირდაპირ მათ ხახაში ჩააგდო ეს ბავშვები. მხოლოდ მას შემდეგ მივიდნენ, როდესაც კარგად სცემეს ბავშვები, ეს არის სახელმწიფოს ძალადობრივი მიზანმიმართული ოპერაცია ახალგაზრდების წინააღმდეგ“,- განაცხადა ელენე ხოშტარიამ.

შეგახსენებთ, რომ მცხეთაში, უმრავლესობის დეპუტატ დიმიტრი ხუნდაძის  ბიუროსთან მოძრაობა „გაბედეს“ წევრებსა და ადგილობრივ მოსახლეობას შორის მომხდარი დაპირისპირების შედეგად, რამდენიმე ადამიანი დაშავდა. ორი  მათგანი სასწრაფო სამედიცინო დახმარების მანქანით  მცხეთის კლინიკა „ჯეო ჰოსპიტალში“ იქნა გადაყვანილი.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს