დიდ დიღომში, იოანე პეტრიწის ქუჩა N14 და N16-ის მიმდებარე ტერიტორიაზე სკვერის სარეაბილიტაციო სამუშაოები დასრულდა.

სამუშაოების ფარგლებში, 2 100 კვადრატულ მეტრ ფართობზე მოეწყო საბავშვო გასართობი მოედანი, სადაც სხვადასხვა ატრაქციონი დამონტაჟდა. ასევე, განხორციელდა გამწვანების სამუშაოები და ჰიდროთესვის პრინციპით, ბალახი დაითესა.

სკვერში მოეწყო საფეხმავლო ბილიკი, LED განათების სისტემა და ტერიტორია უსაფრთხოების მოაჯირით შემოიფარგლა. აღნიშნული პროექტის ფარგლებში, მიმდებარე ტერიტორიაზე სპორტული მოედანიც მოეწყო.

განახლებული სკვერი საბურთალოს რაიონის გამგებელმა, გაიოზ ვასაძემ დაათვალიერა.

„ჩვენთვის ძალიან მნიშვნელოვანია, რაც შეიძლება მეტი კომფორტული დასასვენებელი სივრცე მოვაწყოთ მოსახლეობისთვის. მიმდინარე წელს სკვერის სარეაბილიტაციო სამუშაოები უკვე 26 მისამართზე განხორციელდა. სხვადასხვა ინფრასტრუქტურულ პროექტს მომავალშიც აქტიურად განვაგრძობთ“, - განაცხადა გაიოზ ვასაძემ.              

სამუშაოები გამგეობის დაკვეთით, შპს „ტაომ“ აწარმოა, რისთვისაც ბიუჯეტიდან 167 130 ლარი დაიხარჯა.

(NS)

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე