2019-11-26 11:40:15, 1494 ნახვა
საზოგადოება
პარლამენტთან საპროტესტო აქციის დაშლისას 4 ადამიანის ჰოსპიტალიზება მოხდა
ჯანდაცვის სამინისტროს ინფორმაციით, პარლამენტის შენობასთან მიმდინარე საპროტესტო აქციის დაშლის შედეგად სულ 4 ადამიანის ჰოსპიტალიზება მოხდა, რომელთაგანაც 1 ნიუ ჰოსპიტალსში, 1 ამტელ ჰოსპიტალსში და 2 - ინგოროყვაში გადაიყვანეს.
როგორც უწყებაში განმარტავენ, 1 სამოქალაქო პირი უკვე გაეწერა სამედიცინო დაწესებულებიდან და ამ დროისთვის, კლინიკებში 3 პაციენტი რჩება.
„ამტელ ჰოსპიტალსში გადაყვანილ პაციენტთან ალკოჰოლური ინტოქსიკაცია ფიქსირდება, რაც შეეხება დანარჩენ დაშავებულ პირებს, მათი ჯანმრთელობის მდგომარეობა სტაბილურია და ექიმების მიერ მიმდინარეობს ზოგადი დაკვირვება. ამჟამად, პაციენტებს უტარდებათ შესაბამისი კვლევები“, - ამბობენ უწყებაში.
ავტორი: ექსპრესნიუსი,
epn.ge (@expressnews.ge)
