პარლამენტის ეზოში პოლიციის დამატებითი ძალებია მობილიზებული

2019-11-17 13:02:15, 1424 ნახვა

საზოგადოება

თბილისში, პარლამენტის შენობის მიმდებარე ტერიტორიაზე, სადაც დღეს საპროტესტო აქცია უნდა გაიმართოს, ასევე მთავრობის ადმინისტრაციასთან, დიდი რაოდენობით სამართალდამცველია მობილიზებული.

ამასთან, პოლიციის დამატებითი ძალებია განლაგებული პარლამენტის ეზოში, რომლებიც სპეციალური ეკიპირებით არიან აღჭურვილი.

ცნობისთვის, დღეს 15:00 საათზე, სამოქალაქო აქტივისტებისა და ოპოზიციური პარტიების საპროტესტო აქცია გაიმართება. ისინი ვადამდელ საპარლამენტო არჩევნებს და პროპორციულ საარჩევნო სისტემაზე გადასვლას ითხოვენ.

კიდევ ერთი აქცია, „პატრიოტთა ალიანსის“ ორგანიზებით, 17:00 საათზე, პირველი რესპუბლიკის მოედანზე გაიმართება.

შეგახსენებთ, საპროტესტო ტალღა მმართველი გუნდის მიერ პროპორციული საარჩევნო სისტემის კანონპროექტის ჩაგდებას მოჰყვა. მოქალაქეებმა განაცხადა, რომ მმართველმა გუნდმა პირობა არ შეასრულა და ხელისუფლება უნდა დატოვონ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,