2019-11-12 12:24:05, 955 ნახვა
საზოგადოება
ფილმის „და ჩვენ ვიცეკვეთ“ შემოქმედებით ჯგუფს მგალობლები უჩივიან
„ქეთევან წამებულის ეკლესიის მგალობლებს, ფილმის „და ჩვენ ვიცეკვეთ" შემოქმედებითმა ჯგუფმა, ფილმის თემატიკის შესახებ არასწორი ინფორმაცია მიაწოდა, რის გამოც ისინი ფაქტის გამოძიებას ითხოვენ“, - ამის შესახებ დეკანოზმა გიორგი რაზმაძემ განაცხადა.
მისივე თქმით, მგალობლებს ფილმის რეჟისორის ასისტენტმა დაურეკა და ფილმისთვის საგალობელი თხოვა. ამასთანავე, უთხრა, რომ ფილმი ქალ-ვაჟურ სიყვარულსა და ტრადიციებზეა დაფუძნებული, რის გამოც მგალობლები შეთავაზებას დათანხმდენენ.
ფილმის „და ჩვენ ვიცეკვეთ“ პრემიერის შემდეგ მგალობლებმა შეიტყვეს თუ რა თემატიკის ფილმში გამოიყენეს მათ მიერ შესრულებული გალობა.
ამის გამო, მგალობლები ფაქტის გამოძიებას და ამასთან, ფილმიდან იმ კონკრეტული ნაწილის ამოღებას ითხოვენ, სადაც მათი გალობაა ნაჩვენები.
ავტორი: ექსპრესნიუსი,
epn.ge (@expressnews.ge)
