2019-11-12 10:28:13, 993 ნახვა
საზოგადოება
ქედაში ავტობუსის ამოყირავების შედეგად 15 ადამიანი დაშავდა
ქედაში, ავტოსაგზაო შემთხვევის შედეგად 15 ადამიანი დაშავდა. დაშავებულები სასწრაფო სამედიცინო დახმარების ბრიგადას ბათუმისა და ქედის კლინიკებში გადაჰყავთ.
პირველადი ინფორმაციით, ორი მათგანის მდგომარეობა მძიმეა და არ არის გამორიცხული ისინი რეანომობილით ბათუმის კლინიკაში გადაიყვანონ.
მოქალაქეები ბათუმიდან დაბა ქედისკენ მიდიოდნენ. ავტობუსის გზიდან გადავიდა და ამოყირავდა.
შინაგან საქმეთა სამინისტრომ გამოძიება, სისხლის სამართლის კოდექსის 276 -ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი: ექსპრესნიუსი,
epn.ge (@expressnews.ge)
