„ჩვენთვის მნიშვნელოვანია არ მოხდეს ისეთი საკითხების დემონსტრირება, რაც საზოგადოების აღშფოთებას გამოიწვევს“, - ასე ეხმაურება იურიდიულ საკითხთა კომიტეტის თავმჯდომარე, ანრი ოხანაშვილი ფილმის „And Then We Danced“ პრემიერის გარშემო განვითარებულ მოვლენებს.

მისი თქმით, კანონის დარღვევის შემთხვევაში, ფაქტზე  სამართალდამცველების მხრიდან შესაბამისი რეაგირება მოხდება.  

"ჩვენთვის გამოხატვის თავისუფლება არის უმნიშვნელოვანესი მონაპოვარი, რომელსაც ჩვენ ვიცავთ. ჩვენთვის ასევე მნიშვნელოვანია ჩვენს საზოგადოებაში არ მოხდეს რაიმე ფორმის ისეთი საკითხებით მანიპულირება და დემონსტრირება, რომელიც საზოგადოების მასობრივ აღშფოთებას გამოიწვევს, რაც არის ძალიან საფრთხილო. თუკი ვინმე რაღაცა ზღვარს ცდება და რაიმე ფორმით არ არის კანონის ფარგლებში, კონკრეტული საკითხები მუქარა იქნება თუ ასე შემდეგ, ამით დაინტერესდება კონკრეტული საგამოძიებო ორგანო", - ამბობს ოხანაშვილი. 

შეგახსენებთ, „And Then We Danced“  ლგბტ თემაზე გადაღებული მხატვრული ფილმია, რომლის პრემიერაც კინოთეატრებში 8 ნოემბერს გაიმართება. ფილმს „ქართული მარშის“ ლიდერის, სანდრო ბრეგაძის, გურამ ფალავანდიშვილის, ლევან ვასაძისა და მათი თანამოაზრეების მხრიდან პროტესტი მოჰყვა. ისინი ფილმის პრემიერის ჩაშლას და კინოთეატრების ბლოკირებას გეგმავენ.  

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.