ე.წ. ციანიდის საქმეზე მსჯავრდებული დეკანოზი გიორგი მამალაძე წმინდა სინოდის მიერ მისი შეწყალების შუამდგომლობის თაობაზე მიღებულ გადაწყვეტილებას ეხმაურება.

წერილში, რომელიც მედიას მისმა ადვოკატმა გააცნო, მამალაძე წერს, რომ უფლის მადლიერია და იმედს გამოთქვამს, გათავისუფლების შემდეგ რიგ საკითხებზე საკუთარი პოზიციის დაფიქსირების შესაძლებლობა ექნება.

 „მადლობას ვუხდი სული წმინდა ღმერთს, რომელმაც საქართველოს მართლმადიდებელი ეკლესიის წმინდა სინოდს შეწყალების შუამდგომლობის გადაწყვეტილება მიაღებინა და ვიმედოვნებ, რომ საქართველოს პრეზიდენტი და ხელისუფლება ყველაფერს იღონებს ამ შუამდგომლობის დასაკმაყოფილებლად. ასევე იმედს გამოვთქვამ, რომ საპატიმროდან განთავისუფლების შემდეგ საშუალება მექნება დავაფიქსირო ჩემი პოზიცია მთელ რიგ საკითხებთან დაკავშირებით“, - წერს მამალაძე.

რაც შეეხება მეუფე პეტრესთან დაკავშირებით განვითარებულ მოვლენებს, დეკანოზის თქმით, მისთვის ეს საკითხი უაღრესად მძიმეა.

„ამავდროულად, ჩემთვის სინოდი და სინოდის შემდგომ განვითარებული მოვლენები დაკავშირებული მიტროპოლიტ პეტრესთან არის უაღესად მძიმე და ვიმედოვნებ, რომ ნათელი ქრისტესი გაგვანათლებს ყოველთა“, - წერს გიორგი მამალაძე.

შეგახსენებთ, საპატრიარქო პრეზიდენტს დეკანოზის შეწყალების შესახებ შუამდგომლობით მიმართავს. შესაბამისი გადაწყვეტილება გუშინ გამართულ სინოდის სხდომაზე კათოლიკოს-პატრიარქმა, ილია მეორემ მიიღო.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს