შინაგან საქმეთა მინისტრი ვახტანგ გომელაური მეუფე იაკობის მიერ გავრცელებულ განცხადებას ეხმაურება, რომლის თანახმადაც ის, ყოფილი პრემიერ-მინისტრი გიორგი კვირიკაშვილი და მაშინდელი შს მინისტრი გიორგი გახარია მეუფეს პატრიარქის გადაყენებაში დახმარებას სთხოვდნენ. 

როგორც გომელაურმა ჟურნალისტებს განუმარტა, ის არასდროს დასწრებია მსგავსი ტიპის შეხვედრას, რომელზეც მეუფე იაკობი საუბრობს. 

"უდიდეს პატივს ვცემ უწმინდესს, არა მხოლოდ მე, არამედ მთელი ჩემი გუნდი. ვერ წამომიდგენია, რომ პატრიარქის გადაყენების თემა ვინმემ განიხილოს... რაც შეეხება მეუფე იაკობის განცხადებებს, არანაირ ასეთ შეხვედრაზე არ ვყოფილვარ, არ შემდგარა. გამოძიების დაწყების შესახებ პროკურორმა გააკეთა განცხადება. პროკურატურას უფრო მეტი ლეგიტიმაცია აქვს და ის აფასებს დანაშაულის სიმძიმეს. შსს-ც როცა საქმეს ძრავს, პროკურატურას უთანხმებს. მე რატომ მეკითხებით?!", - აღნიშნა ვახტანგ გომელაურმა.

ჟურნალისტების კითხვაზე - ზოგადად რა კომუნიკაცია აქვს მას მეუფე იაკობთან, გომელაურმა აღნიშნა, რომ კარგად იცნობს და ბევრჯერ შეხვედრია.

"ძალიან კარგად ვიცნობ მეუფე იაკობს და ბევრ სხვა მეუფეს. დღესასწაულებზე ბევრჯერ შევხვედრილვართ", - განაცხადა მინისტრმა.

ამავე თემაზე: მეუფე იაკობი - გახარია, გომელაური, კვირიკაშვილი მეჩალიჩებოდნენ პატრიარქი გადავაყენოთ და შიო დავაყენოთო

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს