„სამართალდამცავი ორგანოები გამოძიებას იწყებენ იმ განცხადების შესაბამისად, რომელიც ან მიმართულია საგამოძიებო ორგანოში ან სინამდვილის რაღაც ელემენტებს შეიცავს“, - ასე გამოეხმაურა გენერალური პროკურორი შალვა თადუმაძე მეუფე იაკობის განცხადებებს.

მისი თქმით, თუ არსებობს რაიმე კონკრეტული ფაქტები, ყველას, მათ შორის, სასულიერო პირს, უფლება აქვს სამართალდამცავ ორგანოებს მიმართოს.

„სამართალდამცავი ორგანოები გამოძიებას იწყებენ იმ განცხადების შესაბამისად, რომელიც ან მიმართულია საგამოძიებო ორგანოში ან სინამდვილის რაღაც ელემენტებს შეიცავს. განცხადება, რომელშიც დროის, მოვლენების და ფაქტების ერთმანეთში აღრევაა და რეალობისგან არის აცილებული, ბუნებრივია, საგამოძიებო ორგანო მასზე გამოძიებას ვერ დაიწყებს. მაღალი თანამდებობის პირებზე, რომლებიც იმ დროს არ იყვნენ იმ თანამდებობებზე და მეორე, დანაშაულის ნიშნების შემცველი განცხადება არ ყოფილა. აღნიშნულ განცხადებაში დანაშაულის ნიშნებს ვერ ვხედავ, გამომდინარე იქიდან, რომ მასში მოყვანილი ინფორმაციები დროში აცდენილია იმ მოვლენებთან, რომელზეც საუბარია. რაც შეეხება, თუ არსებობს რაიმე კონკრეტული ფაქტები, ყველას, მათ შორის, სასულიერო პირს, უფლება აქვს მიმართოს სამართალდამცავ ორგანოებს, ჩამოაყალიბოს თავისი ერთიანი პოზიცია და სამრთალდამცავი ორგანოები მოახდენენ შესაბამის რეაგირებას“, - აღნიშნა შალვა თადუმაძემ.

ცნობისთვის, 3 დღის წინ ბოდბელმა ეპისკოპოსმა, მეუფე იაკობმა,  ტელეკომპანია "პირველის" ეთერში ყოფილი პრემიერის გიორგი კვირიკაშვილის კაბინეტში გამართულ შეხვედრაზე ისაუბრა. როგორც მან აღნიშნა, კვირიკაშვილი, გიორგი გახარია და ვახტანგ გომელაური პატრიარქის, ილია მეორის "გადაყენებაზე ეჩალიჩებოდნენ".

ავტორი: ექსპრესნიუსი,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო