სამსუნგი მომავალ წელს უკომპრომისო ეკრანის მქონე ტელეფონებს გამოუშვებს

2019-10-21 14:15:12, 19292 ნახვა

High - Tech

კორეულმა გიგანტმა , კორპორაცია "სამსუნგ ელექტრონიქსმა" ახალი ალგორითმის მქონე ამოლედ ეკრანი შექმნა, რომლის ქვეშ კამერის "დამალვაა" შესაძლებელი , მაგრამ ეს ხერხი უკომპრომისოა, ანუ ეკრანი იქნება "ნახვრეტების" გარეშე, მაგრამ იმ მომენტში, როცა მომხმარებელი წინა კამერის ამოქმედებას შეეცდება, ის ადგილი,სადაც კამერაა დამალული გამჭვირვალე გახდება.
აღნიშნული ტექნოლოგია ჩინურმა ბრენდმა "სიაომიმ" 5 თვის წინ შეიმუშავა, მაგრამ ბაზარზე მას სწორედაც რომ "სამსუნგი" შემოიტანს.
რატომ მოხდა ასე? ყველაფერი ლოგიკურია-კორეულ კომპანიას "ამოლედ"ტიპის მატრიცების წარმოებაზე ექსკლუზიური ლიცენზია და საავტორო უფლებები გააჩნია, ანუ ყველა სმარტფონი, ელექტრონული საათი, პლანშეტი და ა.შ , რაც ამ ტექნოლოგიით შექმნილი ეკრანით გამოდის ადრეულ ეტაპზე "სამსუნგის" ხელში ხვდება.
Under Display Camera სმარტფონები შესაძლოა უკვე 2020 წლის დასაწყისში ვიხილოთ.