„ბატონო ლევან არც მიფიქრია თქვენთვის ბოდიშის მოხდა, მირჩევნია ჯარიმა გადავიხადო, ვიდრე თქვენ მოგიხადოთ“, - ასე გამოეხმაურა პრემიერ-მინისტრობის კანდიდატი გიორგი გახარია  პარლამენტის დამოუკიდებელ დეპუტატს ლევან კობერიძეს პარლამენტის პლენარულ სხდომაზე, სადაც განახლებული მთავრობისთვის ნდობის გამოცხადების საკითხი განიხილება.

როგორც კობერიძემ აღნიშნა, გიორგი გახარიას გამოსვლა მოსაწყენია და ის შეკითხვებს გაურბის.

ამასთან, მისივე განმარტებით,  პრემიერობის კანდიდატის გამოსვლაში „სიყალბე და პოპულიზმი იგრძნობოდა“.

„თქვენ კითხვებს გაურბიხართ. მოსამართლეებზე გკითხეს და ბიუროკრატიაზე გადახვედით, ეხლა მაგათ გმირად გინდათ თავი წარმოაჩინოთ, რომ როგორც მომავალი პრემიერ-მინისტრი თუ დაგამტკიცებენ, საშუალო ბიუროკრატიის მხედართმთავარი იქნებით. იგრძნობა ეს ყველაფერი, სიყალბეც იგრძნობა საუბარში, რა არის პოპულიზმი ისიც იგრძნობა და მინდა გითხრათ, რომ თქვენი გამოსვლა დღეს ძალიან მოსაწყენი იყო. ბევრი ეცადეთ, რომ თითქოს რაღაც აქცენტები გაგეკეთებინათ, მაგრამ გაურბიხართ პასუხებს, პირველ რიგში კანონებიდან გამომდინარე. თქვენ ჩემს კითხვაზე მიპასუხეთ, რომ აღიარეთ, თქვენი შეცდომების აღიარებისთვის კი არ გამოვაგზავნე მე ის წერილი და თქვენი ბოდიშისთვის, კანონი განმარტავს იმას, რომ თქვენ უნდა უპასუხოთ დეპუტატს. მე არა, დეპუტატის შეკითხვას“, - მიმართა კობერიძემ გიორგი გახარიას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს